ჟურნალი „გამოიღვიძეთ!“ დაეხმარა მოსკოველ მასწავლებელს

რუსეთში არსებულ იეჰოვას მოწმეთა ფილიალს ერთმა მასწავლებელმა მისწერა, რომ აპირებს გაკვეთილებზე ჟურნალიდან „გამოიღვიძეთ!“ სტატიების გამოყენებას. ეს მანდილოსანი ამბობს:

«ვგრძნობ, რომ ჟურნალი „გამოიღვიძეთ!“ მეხმარება ძალის მოკრებაში, მიბრუნებს ხალისს და მათავისუფლებს დამთრგუნველი აზრებისგან. მადლიერი ვარ იმ შესანიშნავი სტატიებისთვის, რომლებიც მიკრობების წინააღმდეგ ბრძოლას ეხებოდა (1996 წლის 22 თებერვალი). დარწმუნებული ვარ, რომ თქვენს ჟურნალებს ყველა ოჯახისთვის, რომელსაც კი ისინი აქვს, სარგებლობა მოაქვს». მან დაამატა: «ძალიან მსურს, ჟურნალი „გამოიღვიძეთ!“ მივიღო. . . თქვენი ჟურნალები უეჭველად მეხმარება».

მსგავსი წერილი მივიღეთ სტავროპოლიდან, ქალაქიდან, რომლის მოსახლეობაც ორას ორმოცდაათ ათასზე მეტია და რომელიც მოსკოვიდან 1200 კილომეტრითაა დაშორებული. აი, ისიც: «მსურს გამოვიწერო ჟურნალი „გამოიღვიძეთ!“. არც თუ ისე დიდი ხნის წინ ამ ჟურნალის ორი ეგზემპლარი მივიღე. სტატიებში ჩანდა, რომ გამომცემლებს ესმით პრობლემები, რომლებიც ადამიანებს ხვდება. ზოგიერთი ფაქტის შესახებ საერთოდ არაფერი ვიცოდი. პირველად ვნახე საკითხების ასეთი რეალისტური გაშუქება».

თუ გსურთ მიიღოთ ჟურნალის „გამოიღვიძეთ!“ სხვა ნომერი ან გეწვიონ და თქვენთან ერთად განიხილონ ბიბლია, მოგვწერეთ მე-5 გვერდზე მოცემულ შესაბამის მისამართზე.