ნაწილი 14 – ქრისტიანობა ვრცელდება
პირველმა ქრისტიანებმა სამეფოს შესახებ სასიხარულო ცნობა დედამიწის თითქმის ყველა კუთხეში გაავრცელეს. იესო აძლევდა მათ მითითებებს, თუ სად უნდა წასულიყვნენ საქადაგებლად. მან მოწაფეებს სასწაულებრივი უნარი მისცა, რომ ადამიანებისთვის მშობლიურ ენებზე გადაეცათ სასიხარულო ცნობა. იეჰოვამ მისცა მათ გაბედულება და ძალა, აეტანათ ძლიერი დევნები.
იესომ მოციქულ იოანეს ხილვაში აჩვენა იეჰოვას დიდება. მან ასევე იხილა, როგორ ანადგურებს ზეციერი სამეფო სატანასა და მის მმართველობას სამუდამოდ. იოანემ იხილა გამეფებული იესო 144 000 თანამმართველთან ერთად. მან აგრეთვე ნახა, როგორ იქცევა მთელი დედამიწა სამოთხედ, სადაც ყველა გაერთიანებულად სცემს იეჰოვას თაყვანს მშვიდობიან გარემოში.