დახმარების აღმოჩენა ქრისტიანულ სიყვარულზე მეტყველებს
„გიყვარდეთ ძმობა“, — ასე მოუწოდებდა თავის თანაქრისტიანებს მოციქული პეტრე (1 პეტრე 2:17). ამ სიყვარულს უნდა დაეძლია ყოველგვარი რასობრივი, სოციალური და ეროვნული საზღვარი, როცა შეკრებდა ადამიანებს ჭეშმარიტ ძმობაში. როდესაც პირველი ქრისტიანები აღმოჩნდნენ მატერიალურ გასაჭირში, სიყვარულმა აღძრა მრავალი პიროვნება გაეღოთ შესაწირავები, რომ მოციქულებს გაენაწილებინათ ისინი გაჭირვებულთა შორის. ცნობები იტყობინებიან, რომ „ყოველივე მათი, საერთო იყო“ (საქმე 2:41–45; 4:32).
ასევე სიყვარული გამოვლინდა მაშინ, როცა 1991 წლის დამლევს იეჰოვას მოწმეთა ხელმძღვანელმა კორპორაციამ თხოვნით მიმართა დასავლეთ ევროპაში უოტჩ ტაუერის საზოგადოების ზოგიერთ ფილიალს მიეწოდებინათ ტანსაცმელი და საკვები აღმოსავლეთ ევროპაში. მათ შორის ყოფილი საბჭოთა კავშირის რესპუბლიკებში მცხოვრები გაჭირვებული ძმებისათვის. აქ ჩვენ მოგვყავს ამ საქმეში მონაწილე ზოგიერთი ფილიალის მიერ მოწოდებული ცნობა.
შვეცია
1991 წლის ხუთ დეკემბერს ყველა 348 კრებას შვეციაში გაეგზავნა წერილი დახმარების თხოვნით. ამ წერილს დაუყოვნებლივ გამოეხმაურნენ. უკვე რამდენიმე დღის შემდეგ სანქტ-პეტერბურგის გზაზე მიმავალი პირველი სატვირთო მანქანა დატვირთული იყო 15 ტონა ფქვილით, საკვები ცხიმით, ხორცის კონსერვით, რძის ფხვნილითა და სხვა პროდუქტებით. იეჰოვას ადგილლობრივმა მოწმეებმა გადმოტვირთეს საბარგო მანქანა და 75 პაკეტი სწრაფად დაურიგეს გაჭირვებულებს. მოგვიანებით, კიდევ ორმა სატვირთო მანქანამ რუსეთში ჩამოიტანა პროდუქტები. შვეციიდან სულ გამოგზავნილი იქნა 51,5 ტონაზე მეტი პროდუქტი.
ყოველგვარ მოლოდინს გადააჭარბა ტანსაცმლისა და ფეხსაცმლის გაცემის სამზადისმა. სამეფო დარბაზებში სწრაფად გაიზარდა ტანსაცმლის პაკეტების გროვა. ბევრი ქრისტიანი ტანსაცმელს თავისი გარდერობიდან იძლეოდა, სხვები კი ახლებს ყიდულობდნენ. ერთმა ძმამ ხუთი კოსტიუმი იყიდა. როცა გაკვირვებულმა საწყობის გამგემ გაიგო, თუ რატომ, მან ძმას კიდევ ხუთი კოსტიუმი აჩუქა. სხვა ძმამ კი ერთი ყუთი წინდები, ხელთათმანები და ჰალსტუხები იყიდა. როცა მან აუხსნა, თუ რისთვის, მაღაზიის მფლობელმა ორი კოსტიუმის საფასურში 30 ახალი კოსტიუმი შესთავაზა. სპორტული მაღაზიის მფლობელმა საჩუქრად გაიღო 100 წყვილი ახალი ტუფლი და ყელიანი ფეხსაცმელი.
შემდეგ ყველა ეს ნივთი მიტანილ იქნა ფილიალში გადასახარისხებლად, შესაფუთავად და დასატვირთავად. უდიდესი მოცულობის ადგილი დაიკავა ფილიალში ტანსაცმელმა, რომელსაც 40 ნახევრად მისაბმელში მოათავსებდნენ! ძმები და დები კვირების განმავლობაში არჩევდნენ ტანსაცმელს მამაკაცებისათვის, ქალებისა და ბავშვებისათვის. შემდეგ ყველაფერს აწყობდნენ მუყაოს ყუთებში. თხუთმეტი სხვადასხვა ნახევრადმისაბმელი იყო გამოყენებული, რომ ეს ტანსაცმელი მშვიდობიანად ჩაეტანათ რუსეთში, უკრაინასა და ესტონეთში. ერთმა ძმამ, რომელმაც რვაჯერ ჩაიტანა სატვირთო მანქანით დახმარების ნობათები ყოფილ საბჭოთა კავშირში, თქვა: „ის სტუმართმოყვარეობა, რომელიც ძმებმა აღმოგვიჩინეს იქ ჩასვლის დროს, უდიდესი ჯილდო იყო. ისინი გვეხვეოდნენ და გვკოცნიდნენ. მიუხედავად მცირე ეკონომიური სახსრებისა, ჩვენ მათ ქრისტიანული ხელგაშლილობის შესანიშნავი მაგალითი გვიჩვენეს“.
ფინეთი
ფინეთში მწვავე ეკონომიური კრიზისის, საყოველთაო უმუშევრობისა და სიძნელეების მიუხედავად, დაახლოებით 18 000 ფინელ ძმას ჰქონდა უდიდესი სურვილი დახმარებოდა თავიანთ ძმებს ყოფილ საბჭოთა კავშირში. მათ 4 850 მუყაოს ყუთში შეფუთული, 58 ტონაზე მეტი პროდუქტი გააგზავნეს სანქტ-პეტერბურგში, ესტონეთში, ლატვიაში, ლიტვასა და კალინინგრადში. სატვირთო მანქანებში დარჩენილი 12 ათასი კუბური მეტრი თავისუფალი ადგილი, მათ შეავსეს ტანსაცმლით. ამასთან ფინელმა ძმებმა სასუფევლის საქმეში გამოსაყენებლად 25 ნახმარი მსუბუქი და სატვირთო ავტომანქანა აჩუქეს ძმებს.
პროდუქტებით დატვირთულმა ყუთებმა მიაღწია პეტერბურგის ოლქში მდებერე სლანცების კრებამდე, რომელშიც 14 მაუწყებელია. მათ უდიდესი მადლიერება გამოხატეს წერილში: „ჩვენს კრებაში არის ათი ხანდაზმული და. მრავალი ჩვენგანი სერიოზელი ავადმყოფია და არ შეგვიძლია პროდუქტებზე საათობით რიგებში დგომა. მაგრამ ამ მძიმე დროს ჩვენი ზეციერი მამა არ გვანებებს ფარ-ხმლის დაყრას, არამედ სიხარულით ავსებს ჩვენს გულებს. ჩვენ ვაწყობთ ბიბლიის 43 საშინაო შესწავლას“. როცა ერთმა დამ სანქტ-პეტერბურგში მიიღო დახმარების ნობათი, ამან იგი იმდენად შესძრა, რომ სანამ მას გახსნიდა, ორი საათი ქვითინებდა.
დანია
ბალტიის ზღის გასასვლელში მდებარე ამ პატარა ქვეყანაში, დაახლოებით 16 000-მა მოწმემ შეაგროვა და უკრაინაში გაგზავნა 19 სატვირთო ავტომანქანა, 4 200 ყუთში და უმაღლესი ხარისხის ტანსაცმლით. ერთმა ძმამ გერმანიიდან ფილიალს მისცა ხუთი სატვირთო ავტომანქანა, რომელიც შემდგომ აჩუქა ძმებს უკრაინაში. შინ დაბრუნებისას ერთ-ერთმა მძღოლმა თქვა: „ჩვენ შევამჩნიეთ, რომ უკან უფრო მეტი მოვიტანეთ, ვიდრე იქით წავიღეთ. ძლიერ განამტკიცა ჩვენი რწმენა იმ სიყვარულმა და თავგანწირულობის სულმა, რომელიც ჩვენმა უკრაინელმა ძმებმა გამოიჩინეს“.
მძღოლებს უნდა ეფხიზლათ და ფრთხილად ყოფილიყვნენ იმის გამო, რომ ყოფილი საბჭოთა კავშირის გზებზე მოქმედებენ მძარცველები. იმ გზაზე, სადაც დანიის ერთ-ერთმა სატვირთო მანქანამ გაიარა, რამოდენიმე კვირით ადრე მოხდა ძარცვა. მძარცველებმა ვერტმფრენითა და ავტომატებით გააჩერეს პროდუქტებით დატვირთული ხუთი სატვირთო ავტომანქანისაგან შემდგარი ავტოკოლონა. ეს მანქანები სხვა დახმარების აღმომჩენი ორგანიზაციის მიერ იყო გამოგზავნილი. მძარცველებმა ხუთივე მანქანა გაიტაცეს და მძღოლები გზაზე დატოვეს. მიუხედავად ასეთი საშიშროებისა, ყველაფერი, რაც კი დანიის ფილიალის მიერ იქნა გამოგზავნილი, მშვიდობიანად მივიდა ძმებთან. ამის საპასუხოდ მათ მძღოლს გადასცეს ინგლისურ ენაზე ძლივძლივობით დაწერილი წერილი: „ძვირფასო დანიელო დებო და ძმებო, ჩვენ მივიღეთ დახმარება თქვენგან. იეჰოვა დაგაჯილდოვებთ თქვენ“.
ნიდერლანდები
ნიდერლანდიის ფილიალმა ძმებს დასახმარებლად გაუგზავნა 52 ტონა პროდუქტი 26 000 ნობათით. ეს პროდუქტები ჩამოტანილ იქნა უკრაინაში ორი სხვადასხვა კოლონის მიერ. უკრაინაში ყოველთვის ორი სატვირთო მანქანა რჩებოდა, ვინაიდან გერმანელმა ძმებმა შესწირეს ისინი აღმოსავლეთში სასუფევლის საქმეს. უკრაინელმა ძმებმა პროდუქტების დიდი ნაწილი გადაგზავნეს მოსკოვში, ციმბირსა და იმ ადგილებში, სადაც დიდი მოთხოვნილება იყო. უფრო მეტიც, ნიდერლანდელმა ძმებმა აღმოსავლეთში მცხოვრებ ძმებს საჩუქრად გაუგზავნეს 736 კუბური მეტრი ტანსაცმელი და ფეხსაცმელი. ეს ტანსაცმელი და ფეხსაცმელი ლვოვსა და უკრაინაში ჩამოიტანეს 11 სატვირთო ავტომანქანით, რომლებიც კოლონად მოდიოდნენ კერძო ავტომანქანების თანხლებით.
გერმანიის და პოლონეთის გავლით, თავისუფლად, ყოველგვარი დაბრკოლების გარეშე გადმოლახა გრძელი გზა ავტოკოლონამ, გამოიარა უკრაინის საბაჟო და ღამის 3 საათზე მიაღწია ლვოვის გარეუბანს. მძღოლები იტყობინებიან, რომ: „არ გასულა დიდი დრო და 140 ძმა მზად იყო გადმოეტვირთათ სატვირთო ავტომანქანები. სანამ საქმეს შეუდგებოდნენ, ამ თავმდაბალმა ძმებმა გამოხატეს იეჰოვასადმი ნდობა იმით, რომ ერთად მიგვემართა მისთვის ლოცვით. რროცა ყველაფერი მოგვარდა ისინი კვლავ შეიკრიბნენ ლოცვისათვის, რათა მადლობა გადაეხადათ იეჰოვასათვის. ადგილობრივმა ძმებმა სტუმართმოყვარულად მიგვიღეს, უხვად მოგვცეს ის მცირედი, რაც მათ გააჩნდათ. შემდეგ გამოგვაცილეს გზატკეცილამდე და გზის პირას, ვიდრე დაგვემშვიდობებოდნენ, კვლავ მიმართეს იეჰოვას ლოცვით.
მოვდიოდით შინისაკენ და მთელი გზის მანძილზე ბევრ რამეს ვიხსენებდით, ლვოვში მცხოვრები გერმანელი და პოლონელი ძმების სტუმართმოყვარეობას, მათ ძლიერ რწმენას, თუ როგორ უდგებოდნენ ყველაფერს ლოცვით; როგორ დაგვაბინავეს, ხელმოკლეობის მიუხედავად როგორ გვასვეს და გვაჭამეს; ვიხსენებთ მათ ერთიანობასა და სიახლოვეს, მათ მადლიერებას. ჩვენც ასევე ვფიქრობდით ჩვენს ადგილობრივ ძმებსა და დებზე, რომლებიც ასე უხვად იძლეოდნენ“.
შვეიცარია
შვეიცარიის ფილიალი თავის ცნობას იწყებს იაკობი 2:15, 16 მუხლებში გამოთქმული სიტყვებით: „თუ ძმა ან და შიშვლები არიან და დღიური საზრდო აკლიათ, რომელიმე თქვენგანი კი ეტყვის მას: მშვიდობით იარეთ, გათბით და ისაზრდოვეთ; სხეულისათვის საჭიროს კი არ მისცემთ, რა სარგებელია?“ ცნობაში შემდეგ ნათქვამია: „ეს მუხლი გაგვახსენდა მაშინ, როცა იეჰოვას მოწმეთა ხელმძღვანელმა კორპორაციამ მოგვმართა წინადადებით, მატერიალური დახმარება აღმოგვეჩინა ხელმოკლე ძმებისათვის.
ყველანი მაშინვე შევუდექით საქმეს! უკვე ორი დღის შემდეგ სამი სატვირთო მანქანა გაემგზავრა გერამნიიდან უკრაინაში. 600 ამანათით მათ მიჰქონდათ 12 ტონა პროდუქტი, ხოლო თვით სატვირთო მანქანები კი საჩუქრად უნდა მიეღოთ უკრაინელ ძმებს სამეფო საქმისათვის. მათ ძალიან გაუხარდათ, როცა შეიტყვეს, რომ ყველაფერი მშვიდობიანად მივიდა ადგილამდე, ამავე დროს კრებებმა შეაგროვეს ტანსაცმელი და მალე ჩვენი ფილიალი გაივსო მუყაოს ყუთებით, ჩემოდნებითა და ჩანთებით. ბავშვის ტანსაცმელის ყუთებში ეწყო სათამაშოები შვეიცარიელი მეგობრებისაგან, რომლებიც მათ აჩუქეს უცნობ მაგობრებს შორეულ ჩრდილოეთში. ხოლო ტანსაცმლის ფენებს შორის ბლომად იყო შოკოლადის ფილები“.
კი მაგრამ როგორ გადავგზავნოთ ეს ყველაფერი? ცნობაში ნათქვამია: „ჩვენ დაგვეხმარა საფრანგეთის ფილიალი, რომელმაც გამოგვიგზავნა ორი სატვირთო ავტომანქანა და ოთხი მძღოლი. ამასთან, დაგვჭირდა კიდევ ჩვენი ფილიალის ერთი, და ადგილობრივი ძმების ოთხი სატვირთო მანქანა, უკრაინაში 72 ტონა პროდუქტებისა და ტანსაცმელ-ფეხსაცმელის გადასაზიდად“. მშვიდობიანად მიაღწია ლვოვის საწყისებამდე 150 მეტრი სიგრძის ავტოკოლონამ, სადაც მას უკვე ელოდებოდა დაახლოვებით ასი ადგილობრივი ძმა; რომლებიც მზად იყვნენ გადმოეტვირთათ სატვირთო მანქანები. მძღოლებმა გვაცნობეს დაბრკოლება არ ყოფილა ენობრივი ბარიერის გამო, ვინაიდან მათ სახეებზე აირეკლებოდა დიდი მადლიერება.
ავსტრია
ლვოვსა და უჟგოროდში (უკრაინა) ავსტრიელმა ძმებმა გააგზავნეს 48,5 ტონა პროდუქტი, 5 114 მუყაოს ყუთში ჩაწყობილი ტანსაცმელი. მათ ასევე 7 ტონა პროდუქტი, 1 418 ყუთი ტანსაცმელი და 465 წყვილი ფეხსაცმელი გააგზავნეს ბელგრადში, მოსტარში, ოსიეკოში, სარაევოსა და ზაგრებში — ყოფილი იუგოსლავიის ქალაქებში. ფილიალიდან მიღებულ ცნობაში ნათქვამია: „ჩვენ გვყავდა 12 დატვირთული ნახევრადმისაბმელი და მათ გაიარეს 34 000 კილომეტრი. ტვირთის დიდი ნაწილი გადაზიდა ერთმა ძმამ თავის ვაჟიშვილთან ერთად, რომელთაც აქვთ სატვირთო მანქანებით გადაზიდვის თავიანთი საწარმო“.
ხოლო, რაც შეეხება ძმებისა და დებისათვის ნაჩუქარ ტანსაცმელს, ცნობაში შემდგომ ნათქვამია: „ძირითად საწყობად ჩვენ გამოვიყენეთ კონგრესის დარბაზი. სანამ დარბაზი ბოლომდე არ გაივსო, ერთ სატვირთო მანქანას მეორე მოსდევდა. ეს ისე იყო, როგორც მოსეს უწევდა ხალხის შეჩერება, რომ აღარ მოეტანათ მეტი შესაწირავები (გამოსვლა 36:6). ზოგიერთმა, რომლებიც საერთოდ არ წარმოადგენდნენ იეჰოვას მოწმეებს, შემოგვწირა ფული „რადგან, — გვითხრეს მათ, — ასეთი გზით ჩვენ გვეცოდინება, რომ ნამდვილად მიიღებენ შეწირულ თანხას გაჭირვებაში მყოფნი“. ჩვენ ასევე უფასოდ მივიღეთ ამქვეყნიური ფირმებიდან ძალზედ საჭირო მუყაოს ყუთები“ 9-დან 80 წლამდე ასაკისანი იყვნენ ის ძმები და დები, რომლებიც ყველაფერს ახარისხებდნენ და აწყობდნენ ყუთებში. ისინი იმასაც კი ცდილობდნენ, რომ თითოეული კოსტიუმისათვის შესაფერისი ჰალსტუხი და პერანგი შეერჩიათ.
ცნობაში ნათქვამია: „ხელისუფალნი ავსტრიასა და მის საზღვრებზე ძალიან გვეხმარებოდნენ: მათ შესაძლებელი გახადეს დახმარების აღმოსაჩენად სხვადასხვა სახის გადაზიდვა და გვიწერდნენ აუცილებელ დოკუმენტებს, რომ ყველაფერი ნაკლები სიძნელეების გარეშე მისულიყო დანიშნულ ადგილზე.
იტალია
რომიდან ავტრიის, ჩეხოსლოვაკიისა და პოლონეთის გავლით ყოფილ საბჭოთა კავშირში სატვირთო მანქანების ორი დიდი ავტოკოლონით გამოგზავნილი იყო 188 ტონა პროდუქტი. თვითოეული ავტოკოლონის ჯგუფში შედიოდა ექვსი მძღოლი, მექანიკოსი, სატვირთო მანქანის ელექტროტექნიკოსი, მთარგმნელი, ექსპედიტორი, მზარეული, ექიმი და კოლონის ხელმძღვანელი, რომელიც მოდიოდა ავტომანქანა ჯიპით და ძმა რომელსაც მოჰყავდა საცხოვრებელი ავტოფურგონი.
პროდუქტები მიღებული იყო შვიდი მომმარაგებელი კომპანიისაგან. ფილიალი იტყობინება: „როცა ჩვენმა მომმარაგებლებმა შეიტყვეს, თუ რისთვის იყო ყოველივე ეს საჭირო, ზოგიერთმა მათგანმა მოინდომა ამ საქმეში მონაწილეობის მიღება. ამქვეყნიურმა მომმარაგებლებმა მსხვერპლად გაიღეს რამოდენიმე ასეული კილოგრამი მაკარონი, ბრინჯი და ასევე შესაფუთი ყუთები. სხვებმა კი გვაჩუქეს ავტომანქანებისათვის საბურავების არტახები, რომლითაც შეიძლება თოვლსა და ყინულზე სიარული, ზოგმა კი შემოგვწირა ფული. იტალიაში ძმები მადლიერები იყვნენ იმის გამო, რომ შესაძლებლობა მიეცათ დახმარებოდნენ ძმებს. ბავშვებსაც უნდოდათ შესაწირავების გაღება. ხუთი წლის ბიჭმა გამოგზავნა მცირეოდენი თანხა, რომლითაც დაიმედებული იყო, რომ ბევრი რამის ყიდვა შეიძლებოდა რუსეთში ძმებისათვის.
პატარა გოგონამ სკოლაში კარგი ნიშნების გამო ბებიასა და ბაბუასაგან მიიღო ფული, მშობლებისათვის რომ ეყიდა საჩუქარი. „მაგრამ მოგვწერა მან, — როცა გავიგე, რომ ბევრ ჩემს ძმას არა აქვს ის კარგი პროდუქტები, რომლებიც მე მაქვს, ვიფიქრე, რომ ჩემი მშობლებისათვის საუკეთესო საჩუქარი იქნებოდა დავხმარებოდი ამ ძმებს“. მან საკმაო თანხა ჩადო შესაწირავების ყუთში. „მე იმედი მაქვს, რომ კვლავაც კარგ ნიშნებს მივიღებ და შევძლებ მეტი თანხის გაგზავნას“ — თქვა გოგონამ. ფილიალისაგან მიღებული ცნობა მთავრდება იმით, რომ აღმძვრელი, გამამხნევებელი და გამაერთიანებელი იყო იტალიელი ძმებისადმი გამოთქმული მადლიერების სიტყვები და ასევე სურსათის მომზადებასა და გადაგზავნასთან დაკავშირებული ბევრი შემთხვევა.
პროდუქტები ათასობით დელეგატისათვის
1992 წლის 26-დან 28 ივნისის ჩათვლით, ყოფილ საბჭოთა კავშირში, კერძოდ სანქტ-პეტერბურგში, ს.მ. კიროვის სახელობის სტადიონზე, გაიმართა იეჰოვას მოწმეთა პირველი საერთაშორისო კონგრესი. ამ მნიშვნელოვან კონგრესზე, რომლის დევიზიც იყო „სინათლის მატარებელნი“, ესწრებოდა 46 200 დელეგატი 28 ქვეყნიდან. ეს კიდევ ერთი შესაძლებლობა იყო ძმებს ქრისტიანული სიყვარული გამოეჩინათ „ძმობის“ მიმართ (1 პეტრე 2:17).
დანიიდან, ფინეთიდან და დასავლეთ ევროპის სხვა ქვეყნებიდან ტონობით შემოტანილი პროდუქტი უსასყიდლოდ, დაურიგდა კონგრესის დღეებში ათასობით დელეგატს ყოფილი საბჭოთა კავშირიდან. კონგრესის დამთავრების შემდეგ მათ ასევე მისცეს პროდუქტების თითო ამანათი შინ წასაღებად.
აქ მოყვანილი ცნობები გვიჩვენებს, რომ საჩუქრები არ ყოფილა ცალმხრივი, მხოლოდ აღმოსავლეთის მიმართულებით. საჩუქრებს ერთმანეთში სცვლიდნენ. თუ მაგალითად აღმოსავლეთში მიდიოდა პროდუქტები და ტანსაცმელი, სამაგიეროდ დასავლეთისაკენ იგზავნებოდა სიყვარულით აღსავსე, სასიყვარულო გულითადი გამოთქმები. ასევე რწმენის განმამტკიცებელი შემთხვევები, რომლებშიც გამოხატულია იეჰოვას ათასობით თაყვანისმცემლის სიმტკიცე და ერთგულება, რომლითაც უმკლავდებოდნენ ათწლეულების განმავლობაში დაწოლებსა და სიძნელეებს. ასე რომ, ორივე მხარემ გამოსცადა იესოს სიტყვების ჭეშმარიტება: „უფრო ნეტარია აძლევდე, ვიდრე იღებდე“ (საქმე 20:35).
[დიაგრამა⁄სურათი 21 გვერდზე]
1. ფინეთიდან: სანქტ-პეტერბურგი (რუსეთი); ტალინი და ტარტუ (ესტონეთი); რიგა (ლატვია); ვილნიუსი და კაუნასი (ლიტვა); კალინინგრადი (რუსეთი); პეტროზავოდსკი (კარელია).
2. ნიდერლანდებიდან: ლვოვი (უკრაინა).
3. შვეციიდან: სანქტ-პეტერბურგი (რუსეთი); ლვოვი (უკრაინა); ნევინომისკი (რუსეთი).
4. დანიიდან: სანქტ-პეტერბურგი (რუსეთი); ლვოვი (უკრაინა).
5. ავსტრიიდან: ლვოვი (უკრაინა); ბელგრადი, მოსტარი, ოსიეკი, სარაევო, ზაგრები (ყოფილი იუგოსლავია).
6. შვეიცარიიდან: ლვოვი (უკრაინა).
7. იტალიიდან: ლვოვი (უკრაინა).
[სურათები 23 გვერდზე]
მუყაოს ყუთები ტანსაცმლით შვეციის ფილიალში.
იტვირთება მატერიალური დახმარება.
ერთი ამანათის შემადგენლობა.
დანიიდან მოწოდებული ლორი.
11 სატვირთო და 1 მსუბუქი მანქანისაგან შემდგარი ავტოკოლონა.
ამანათები და ჩემოდნები ავსტრიის ფილიალში.
სატვირთო მანქანის ჩამოცლა ლვოვში (უკრაინა).