სარჩევი

ცოდნას ფასი არა აქვს, თუ არ გამოვიყენებთ. მაგრამ ნასწავლის თანახმად ცხოვრებას თავმდაბლობა სჭირდება. ამ სტატიიდან გავიგებთ, როგორ შეგვიძლია მივბაძოთ იმ ბიბლიური პერსონაჟების თავმდაბლობის მაგალითებს, რომლებიც ყველანაირ ადამიანთან ქადაგებდნენ, სხვებისთვის ლოცულობდნენ და მოთმინებით ელოდებოდნენ იეჰოვას.

ამ რთულ პერიოდში შეიძლება ადვილად გაგვიტყდეს გული და ცხოვრებისეულმა სირთულეებმა ძალა გამოგვაცალოს. იეჰოვა და იესო გვეხმარებიან ამ სირთულეების დაძლევაში. თუმცა ერთმანეთის ნუგეშისცემა და გამხნევება თითოეულ ჩვენგანსაც მოგვეთხოვება. ეს სტატია დაგვანახვებს, როგორ შეგვიძლია სიყვარულით აღვაშენოთ ერთმანეთი.

იეჰოვა ბედნიერი ღმერთია და სურს, რომ მისი მსახურებიც ბედნიერები იყვნენ. როგორ შეგვიძლია ბედნიერები ვიყოთ სატანის ქვეყნიერებაში არსებული განსაცდელებისა და სირთულეების მიუხედავად? მთაზე ქადაგების დროს იესომ პრაქტიკული რჩევა მოგვცა, რომელიც ხანგრძლივი ბედნიერების მოპოვებაში დაგვეხმარება.

დღევანდელ მსოფლიოში, სადაც ადამიანები უფრო და უფრო ეგოცენტრულები ხდებიან, ქრისტიანული კრება ნამდვილი სიყვარულით გამოირჩევა. ასეთი სიყვარულის ერთ-ერთი მხარეა სხვების მიმართ ყურადღებისა და გულისხმიერების გამოვლენა, რაზეც ეს ორი სტატია ამახვილებს ყურადღებას. თავდაპირველად განვიხილავთ, როგორ ავლენს იეჰოვა სხვების მიმართ გულისხმიერებას, შემდეგ კი ვიმსჯელებთ, თუ როგორ შეგვიძლია მივბაძოთ მას.