დავეხმაროთ ადამიანებს ღვთის სიტყვის დახელოვნებულად გამოყენებაში
1 იეჰოვამ, თითოეული ჩვენგანი ეფექტური მსახური რომ ვყოფილიყავით, მრავალი დამხმარე საშუალებით უზრუნველგვყო. ყოველივე ამის გამოყენებით შეგვიძლია „ჩვენი ნაბიჯების წარმართვა“ (ფსალმ. 36:23). მაგალითად, დაახლოებით 60 წელია თეოკრატიული სამსახურის სკოლა გვახელოვნებს საუბარსა და სწავლებაში. ამას ემატება ყოველკვირეული სამსახურებრივი შეხვედრები პრაქტიკული მოხსენებებით, ინსცენირებებითა და განხილვებით.
2 ჩვენ სარგებლობას ვიღებთ სარაიონო ზედამხედველის რეგულარული მონახულებებიდან. სამსახურებრივი ზედამხედველი ინახულებს წიგნის შესწავლის თითოეულ ჯგუფს და მსახურების გაუმჯობესებაში დასახმარებლად სიყვარულით ამხნევებს ყველას. გარდა ამისა, ყოველთვის, როცა სამქადაგებლო მსახურებისთვის ვიკრიბებით, ათი წუთი ვისმენთ გამამხნევებელ პრაქტიკულ რჩევებსა და შეთავაზებებს, რომლებიც შეგვიძლია იმ დღეს გამოვიყენოთ (ებრ. 10:23—25). ყველა ეს ღონისძიება, რომლებითაც იეჰოვა თავისი ორგანიზაციის მეშვეობით უზრუნველგვყოფს, იმ მზრუნველობის მაჩვენებელია, რომელსაც ის ავლენს მათ მიმართ, ვისაც კეთილი ცნობის ქადაგება დაავალა. დაეხმარე ახალგაზრდებსა და ბიბლიის შემსწავლელებს
3 ახალგაზრდა მაუწყებლებსა და შედარებით უფრო ახალ დაინტერესებულებს რეგულარულად ესაჭიროებათ დახმარება მსახურებაში. თუმცა დროდადრო ყოველ ჩვენგანს შეუძლია დახმარების გაწევა, მთავარი პასუხისმგებლობა მაინც მშობლებს აკისრიათ. დახმარება მათაც ესაჭიროებათ, ვინც ახალგაზრდა მაუწყებლებსა და ახლად დაინტერესებულებთან ბიბლიის შესწავლას ატარებს (გალ. 6:6; ეფეს. 6:4). მხოლოდ დროისა და გარკვეული გამოცდილების შედეგად ავტომატურად ვერ ვისწავლით ბიბლიის ეფექტურად გამოყენებას. საჭიროა სისტემატური დახმარების აღმოჩენა და წვრთნა.
4 დახმარება ადამიანს მანამდე უნდა აღმოვუჩინოთ, სანამ მსახურებაში ჩაებმება. დაეხმარე იმათ, რომლებიც აკმაყოფილებენ მოთხოვნებს მსახურებაში მონაწილეობის მისაღებად, რათა შეძლონ უბრალო შეთავაზებების გაკეთების სწავლა. სანამ ისინი უფრო მეტ გამოცდილებასა და თავდაჯერებულობას შეიძენენ, შეთავაზებისას იქნებ ერთი ბიბლიური მუხლი მაინც გამოიყენონ. როდესაც ერთად მსახურობთ, სანამ შემდეგ კართან მიხვალთ, შეაქე და გულთბილად მიეცი რჩევები, თუ რაში გაუმჯობესდეს. ხაზი გაუსვი გამუდმებული ლოცვის აუცილებლობას (ეფეს. 6:18, 19).
5 თუმცა მრავალი პიონერი და სხვა გამოცდილი მაუწყებელი, უმთავრესად, სამუშაო დღეებში მსახურობს, ჩინებულია, როდესაც ეს ეფექტური მქადაგებლები ისე ცვლიან თავიანთ განრიგს, რომ დროდადრო მონაწილეობა მიიღონ მსახურებაში შაბათ-კვირას. მათი მხრიდან ასეთ მსხვერპლს დიდად დააფასებენ ისინი, ვისაც ქადაგების გაუმჯობესება სურთ მათთან მსახურებით (ეკლ. 4:9, 10).
6 ერთ დროს ყოველი ჩვენგანი ახალი და გამოუცდელი იყო მსახურებაში. მრავალი ჩვენგანი გამოცდილ მაუწყებლებთან ან პიონერებთან მსახურებით გამხნევდა და გამოიწვრთნა. მათი დახმარების წყალობით ამჟამად დახელოვნებული მასწავლებლები ვართ და სიხარულს განვიცდით მსახურებაში (იგავ. 27:17; საქ. 20:35). დაე იეჰოვასადმი მადლიერებამ იმისათვის, რაც მან გააკეთა მსახურებაში ჩვენს გასაწვრთნელად, აღგვძრას დახმარება აღმოვუჩინოთ სხვებს, რათა ისინიც უფრო დახელოვნდნენ იეჰოვას სიტყვის გამოყენებაში.