წყაროები – „ჩვენი ქრისტიანული ცხოვრება და მსახურება“ — საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ

წყაროები – „ჩვენი ქრისტიანული ცხოვრება და მსახურება“

26 ᲘᲐᲜᲕᲐᲠᲘ – 1 ᲗᲔᲑᲔᲠᲕᲐᲚᲘ

ᲦᲕᲗᲘᲡ ᲡᲘᲢᲧᲕᲘᲡ ᲡᲐᲣᲜᲯᲔ | ᲔᲡᲐᲘᲐ 28, 29

ღვთის სიტყვის სიღრმეები

it „არიელი“ ¶1; it „არიელი“ №3

არიელი

[ღვთის სამსხვერპლოს საცეცხლე; ღვთის ლომი]

3. ესაიას 29:1, 2, 7-ში მოხსენიებული სახელი, რომელშიც იერუსალიმი იგულისხმება. იერუსალიმში იეჰოვას ტაძარი და სამსხვერპლო მდებარეობდა. შესაბამისად, ეს ქალაქი, ფაქტობრივად, იეჰოვას სამსხვერპლოს საცეცხლეს წარმოადგენდა. იერუსალიმი წმინდა თაყვანისმცემლობის ცენტრიც უნდა ყოფილიყო. თუმცა, როგორც ესაიას 29:1–4-დან ვიგებთ, მოგვიანებით ის განადგურდებოდა. ეს წინასწარმეტყველება ძვ. წ. 607 წელს შესრულდა, როცა ბაბილონელებმა მიწასთან გაასწორეს იერუსალიმი. იმ დროს ეს ქალაქი „სამსხვერპლოს საცეცხლეს“ სხვა გაგებითაც დაემსგავსა – იერუსალიმი მაშინ ცეცხლის ალში გაეხვა, უამრავი ადამიანის სისხლი დაიღვარა და ქალაქი ცეცხლით განადგურებულთა ცხედრებით აივსო. ესაიას 29:9–16-ში საუბარია იმ ძირითად მიზეზებზე, თუ რატომ დაატყდა თავს ამ ქალაქს ასეთი უბედურება. ესაიას 29:7, 8-დან იმასაც ვიგებთ, რომ ის ერები, რომლებიც იერუსალიმს თავს დაესხმებოდნენ, საბოლოო ჯამში, მარცხს განიცდიდნენ.

16–22 ᲗᲔᲑᲔᲠᲕᲐᲚᲘ

ᲦᲕᲗᲘᲡ ᲡᲘᲢᲧᲕᲘᲡ ᲡᲐᲣᲜᲯᲔ | ᲔᲡᲐᲘᲐ 36, 37

ღვთის სიტყვის სიღრმეები

it „ლაგამი“ ¶4

ლაგამი

იეჰოვამ ასურეთის მეფე სინახერიბს უთხრა: „შენმა რისხვამ და შენმა ღრიალმა ჩემს ყურამდე მოაღწია. ამიტომ ცხვირში კავს ამოგდებ და პირში – ლაგამს, იმავე გზით დაგაბრუნებ, რომლითაც მოხვედი!“ (2მფ. 19:28; ეს. 37:29). იეჰოვამ იძულებული გახადა სინახერიბი, უკან დაეხია. მას მოუწია, მოეხსნა იერუსალიმისთვის შემორტყმული ალყა და ნინევეში დაბრუნებულიყო, სადაც მოგვიანებით მისმა ვაჟებმა სიცოცხლეს გამოასალმეს (2მფ. 19:32–37; ეს. 37:33–38). როგორც ცხოველებს იმორჩილებენ ლაგმის მეშვეობით, იეჰოვას მიერ მტრებისთვის პირში ლაგმის ამოდებაც მათ სრულ კონტროლზე მიუთითებს (ეს. 30:28).