განეწყვეთ ბიბლიის შესასწავლად

ბიბლიის შესწავლის დროს ჩვენი სურვილი უნდა იყოს, რომ იეჰოვას აზრებმა ჩვენი პიროვნების ფორმირება მოახდინოს. ამ მხრივ კარგი მაგალითი დაგვიტოვა ეზრამ, რომელმაც გული განაწყო ღვთის კანონის გამოსაკვლევად (ეზრ. 7:10, სქ). როგორ შეგვიძლია მივბაძოთ ეზრას?

ილოცეთ. შესწავლა ყოველთვის ლოცვით დაიწყეთ და იეჰოვას სთხოვეთ, ჩასწვდეთ ნასწავლს და გამოიყენოთ (ფსალმ. 119:18, 34).

იყავით თავმდაბლები. იეჰოვა არასდროს უმჟღავნებს ჭეშმარიტებას ამაყ ადამიანებს, რომლებსაც ჰგონიათ, რომ მისი დახმარება არ სჭირდებათ (ლუკ. 10:21). ჩვენ არც სხვებზე შთაბეჭდილების მოხდენის მიზნით უნდა ვიკვლიოთ ბიბლია. შესწავლის დროს ჩვენი მიზანი უნდა იყოს, რომ ჩვენს პიროვნებაში საჭირო ცვლილებები მოვახდინოთ.

მოუსმინეთ ჩვენს სიმღერებს. მუსიკა ჩვენს გრძნობებს ეხება და თაყვანისცემისთვის განგვაწყობს. ამიტომ კარგი იქნება, შესწავლის დაწყებამდე რომელიმე ჩვენს სიმღერას მოვუსმინოთ.