2013 წლის მუხლი

ძვ. წ. 1473 წელს ისრაელი აღთქმული მიწის საზღვართან იყო დაბანაკებული, მაგრამ ამ მიწას რომ დაუფლებოდა, ჯერ არაერთი ძლევამოსილი მტერი უნდა დაემარცხებინა. „გამბედაობა მოიკრიბე და გამაგრდი“, — მოუწოდა იესო ნავეს ძეს ღმერთმა. თუ ის ღვთის ერთგული დარჩებოდა, ღვთის ხალხის აღთქმულ მიწაზე შეყვანას შეძლებდა. ღმერთმა მას უთხრა: „ნუ შეძრწუნდები და ნუ შეშინდები, რადგან . . . შენთან იქნება იეჰოვა, შენი ღმერთი“. ღმერთი მართლაც მათთან იყო, რადგან ისრაელმა ექვსი წლის მანძილზე ყველა მტრის დამარცხება შეძლო (იეს. 1:7—9).

ჭეშმარიტი ქრისტიანები, ისრაელის მსგავსად, აღთქმული ახალი ქვეყნიერების ზღურბლზე ვდგავართ. ამიტომ, ჩვენც გვჭირდება სიმტკიცე და გაბედულება. იესო ნავეს ძის მსგავსად, ჩვენც გვყავს ძლევამოსილი მტრები, რომლებიც ცდილობენ, უმწიკვლობა დაგვაკარგვინონ. დღეს ჩვენ ჩაბმული ვართ ბრძოლაში, მაგრამ ხმლითა და შუბით კი არ ვიბრძვით, არამედ სულიერი იარაღით, რომლის დახელოვნებულად გამოყენებასაც იეჰოვა გვასწავლის. რა სიტუაციაშიც არ უნდა აღმოჩნდე, დარწმუნებული იყავი, რომ თუ გაბედული იქნები და სიმტკიცესა და ერთგულებას შეინარჩუნებ, იეჰოვა ამოგიდგება მხარში და გაგამარჯვებინებს.