აბიდანი

[მამა(ჩემი) ასამართლებს]

ბენიამინის ტომის თავკაცი, რომელიც ეგვიპტიდან გამოსვლის მეორე წელს ისრაელთა აღრიცხვაში ეხმარებოდა მოსესა და აარონს (რც. 1:11, 16). ის სათავეში ედგა 35 400 ბენიამინელს (20 წლიდან ზემოთ), რომლებიც კარვის დასავლეთით იყვნენ დაბანაკებულნი (რც. 2:18, 22, 23).

კარვის აგების შემდეგ მისი საზეიმო მიძღვნის დროს (ძვ. წ. 1512) 12 დღის მანძილზე თითოეულ თავკაცს მიჰქონდა ერთნაირი შესაწირავი — ვერცხლისა და ოქროს ჭურჭელი, რომლის ღირებულებაც $1 720-ს შეადგენდა, აგრეთვე მარცვლეული, ზეთი, საკმეველი და ცხოველები. მეცხრე დღეს აბიდანმაც მიიტანა თავისი შესაწირავი (რც. 7:10, 60—65). ის უდაბნოში 40-წლიანი ხეტიალის დროს დაიღუპა (რც. 14:29, 30).