ბირზაითი

მოიხსენიება აშერის გენეალოგიურ ნუსხაში მალქიელის საგვარეულოში (1მტ. 7:30, 31). ვინაიდან 1 მატიანის 7:30, 31-ში ჩამოთვლილ სახელებს შორის ბირზაითი ერთადერთი სახელია, რომელიც დაბადების 46:17-ში მოცემულ პარალელურ ნუსხაში არ გვხვდება, ზოგი მიიჩნევს, რომ ბირზაითში იგულისხმება ადგილი, რომლის გარშემო დასახლდნენ მალქიელის შთამომავლები, ან ადგილი, რომლის პირველი მკვიდრი მალქიელი იყო მსგავსად იმისა, როგორც შობალი იყო „კირიათ-იეარიმის მამა“, სალმა კი — „ბეთლემის მამა“ (1მტ. 2:51, 52). ზოგი, ვინც ბირზაითს ადგილის სახელწოდებად მიიჩნევს, მას იერუსალიმიდან ჩრდ.-ჩრდ.-დას-ით 21 კმ-ში მდებარე ბირზეითთან აიგივებს. ამ სახელებს შორის არსებული მსგავსების მიუხედავად, ერთმანეთთან მათი გაიგივების წინააღმდეგ მოწმობს ის ფაქტი, რომ ბირზეითი ეფრემის სამხრეთ საზღვართან ახლოს მდებარეობს და არა აშერის ტერიტორიაზე.