ებენეზერი

[დახმარების ქვა].

1. ადგილი, რომლის მახლობლადაც ფილისტიმელებმა ორჯერ დაამარცხეს ისრაელი. ამ ბრძოლებში 34 000 ისრაელი დაიღუპა, მათ შორის ხოფნი და ფინხასი. ამასთანავე, მტერმა შეთანხმების კიდობანი ჩაიგდო ხელში. ამ ამბის გაგებაზე მღვდელმა ელიმ სული განუტევა (1სმ. 4:1—11, 17, 18; 5:1). მეცნიერები ვარაუდობენ, რომ ებენეზერი დღევანდელი მაჯდელ-იაბა უნდა იყოს, რომელიც შარონის ველზე მდებარე აფეკიდან (სადაც ფილისტიმელები იყვნენ დაბანაკებული) სამხრ.-აღმ.-ით, 4 კმ-ში მდებარეობს.

2. სახელი, რომელიც სამუელმა თავის მიერ დადებულ ქვას უწოდა, სავარაუდოდ, იმ გამარჯვების აღსანიშნავად, რომელიც ისრაელებმა ღვთის შეწევნით ფილისტიმელებზე მოიპოვეს. ეს ფაქტი წინა თავში მოთხრობილი მოვლენებიდან 20 წლის გასვლის შემდეგ მოხდა (1სმ. 7:2, 12). ამ ქვის ზუსტი ადგილმდებარეობა უცნობია, თუმცა, როგორც ჩანს, ის №1-ის სამხრ.-აღმ.-ით რამდენიმე კილომეტრში, „მიცფასა და იეშანას შორის“ მდებარეობდა.