ელდადი

[შესაძლოა ნიშნავს: ღმერთს უყვარს]

ერთ-ერთი იმ 70 უხუცესიდან, რომლებიც მოსემ აირჩია ხალხის ტვირთის ტარებაში დასახმარებლად. ვინაიდან ჭრელი ხალხი წუწუნებდა, ისრაელებს კი მანანა აღარ უნდოდათ და ხორცი ენატრებოდათ, მოსემ ღმერთს შესჩივლა, რომ ამ ტვირთის ტარება მარტოს აღარ შეეძლო. ამიტომ იეჰოვამ უთხრა მას, შეეკრიბა 70 უხუცესი და შეხვედრის კარავთან მიეყვანა. მაგრამ ორი უხუცესი, ელდადი და მედადი, როგორც ჩანს, საფუძვლიანი მიზეზის გამო არ მივიდნენ შეხვედრის კარავთან და ბანაკში დარჩნენ. იეჰოვამ აიღო მოსეზე დავანებული სულის ნაწილი, უხუცესებს მოჰფინა და ისინი აწინასწარმეტყველდნენ. ელდადსაც და მედადსაც მოეფინა სული და ისინიც აწინასწარმეტყველდნენ ბანაკში. როცა ეს მოსეს შეატყობინეს, მოშურნეობით აღვსილმა იესო ნავეს ძემ მათი შეჩერება ითხოვა, რაზეც მოსემ მიუგო: „ნეტავ იეჰოვას ხალხიდან ყველა წინასწარმეტყველი იყოს, იეჰოვა თავის სულს მოჰფენდა მათ!“ (რც. 11:13—29).