ერექი

იმ ოთხი ქალაქიდან ერთ-ერთი, რომლებითაც „ჩაეყარა საფუძველი მის [ნიმროდის] სამეფოს შინარის მიწაზე“ (დბ. 11:9). ერექიდან დღეს ბორცვებიღაა დარჩენილი. ამ ადგილს არაბები ვარქას უწოდებენ, შუამდინარეთში ძველად მცხოვრები აქადელებისთვის კი ის ურუქის სახელით იყო ცნობილი. ის ბაბილონის სამხრ.-აღმ-ით დაახლოებით 177 კმ-ში მდებარეობს მდინარე ევფრატის (შატ-ექ-ქარი) ძველი კალაპოტის დასავლეთ სანაპიროსთან, ანუ ევფრატის დღევანდელი კალაპოტის აღმოსავლეთით დაახლოებით 6 კმ-ში. ამ ადგილზე აღმოჩენილია ძველი ზიკურათი, უამრავი ბორცვი და სარკოფაგი, რაც შესაძლოა მიანიშნებს, რომ ერექში ერთ დროს ასურეთის მეფეებს მარხავდნენ.

ერექის მკვიდრნი („არქეველები“, სსგ) იმ ხალხებს შორის იყვნენ, რომლებიც ასურეთის მეფე ასენაფარმა სამარიაში გადაასახლა (ეზრ. 4:9, 10).