ლევიანთა ქალაქები

ლევიანებს არ მიეცათ მიწა, რადგან იეჰოვა იყო მათი სამკვიდრო (რც. 18:20; კნ. 18:1, 2). თუმცა ღმერთმა ისრაელის სხვა ტომებს უბრძანა მათთვის 48 ქალაქისა და მათი საძოვრების მიცემა (რც. 35:1—8). საბოლოოდ ეს ქალაქები ლევიანებს გადასცეს (იეს. 21:1—8). მათგან 13 ქალაქი მღვდლების ქალაქი იყო (იეს. 21:19; იხ. მღვდლების ქალაქები). 48 ქალაქიდან ექვსი უნებლიე მკვლელობის ჩამდენთათვის თავშესაფარ ქალაქებად გამოყვეს (იეს. 20:7—9; იხ. თავშესაფარი ქალაქები).

ისრაელის სხვა ტომებში ლევიანთა გაფანტვით შესრულდა სიკვდილის წინ იაკობის მიერ წარმოთქმული წინასწარმეტყველება (დბ. 49:5—7).

ლევიანებს ნებისმიერ დროს შეეძლოთ გამოესყიდათ თავიანთ ქალაქებში გაყიდული სახლები ან იუბილეს წელს თავისთავად უბრუნდებოდათ ისინი. მაგრამ ამ ქალაქების საძოვრების გაყიდვა არ შეიძლებოდა (ლვ. 25:32—34; იხ. ლევიანები).