ჯოხი

მშობლების უფლებამოსილება. ბიბლიაში „ჯოხი“ აგრეთვე გამოიყენება მშობლების უფლებამოსილების სიმბოლოდ. წიგნ „იგავებში“ არაერთი მინიშნება კეთდება ამაზე. ეს სიტყვა ყველანაირ აღმზრდელობით ზომას მოიცავს, მათ შორის პირდაპირი გაგებით ჯოხის გამოყენებას დასჯის მიზნით. ღმერთი მოითხოვს მშობლისგან, რომ გამოიყენოს „ჯოხი“ ბავშვების აღსაზრდელად. თუ მშობელი უგულებელყოფს ამ პასუხისმგებლობას, დაღუპავს შვილს და სასიკვდილოდ გაწირავს, თავად კი თავს შეირცხვენს და ღვთის გულისწყრომას დაიმსახურებს (იგ. 10:1; 15:20; 17:25; 19:13). „ყმაწვილის გულში უგუნურება ბუდობს; აღზრდისას ჯოხის გამოყენება გამოდევნის მას“. „ნუ მოაკლებ ბავშვს დასჯას; ჯოხითაც რომ სცემო, არ მოკვდება. ჯოხით სცემე, რომ სამარიდან იხსნა იგი“ (იგ. 22:15; 23:13, 14). ფაქტობრივად, „ვისაც შვილი გასაჯოხად არ ემეტება, სძულს იგი, ხოლო შვილის მოყვარული მუდამ ჭკუას ასწავლის მას“ (იგ. 13:24; 19:18; 29:15; 1სმ. 2:27—36).