ტერტულუსი

[ლათ-დან, ტერტიოსის კნინობითი ფორმა]

ორატორი, რომელმაც კესარეაში გამგებელ ფელიქსის წინაშე იუდეველების მიერ პავლეს წინააღმდეგ აღძრული საქმე წარადგინა. ლუკას ჩანაწერების მიხედვით, ტერტულუსი თავის სიტყვას ფელიქსის ქება-დიდებით იწყებს და მხოლოდ ამის შემდეგ საუბრობს იმაზე, თუ რაში სდებენ იუდეველები პავლეს ბრალს, და თანაც საკმაოდ მოკლედ. იგი ამბობს, რომ პავლე არაერთხელ შეეცადა რომის წინააღმდეგ ხალხის ამბოხებას (სქ. 24:1—8). არაფერია ცნობილი იმის თაობაზე, ებრაელი იყო ტერტულუსი თუ რომაელი.