იქნები თუ არა შენ ატაცებული ზეცაში?

ბევრს სჯერა, რომ სიკვდილის შემდეგ წავა ზეცაში. ზოგიერთებს მიაჩნიათ, რომ წაყვანილნი იქნებიან ზეცაში, ეგრეთწოდებული ზეატაცების დროს. შენც ხომ არ ელოდები ამას?

ზეატაცება — ეს არის „მილიონობით ადამიანის უეცარი გაქრობა ყოველგვარი კვალის გარეშე, რომლითაც შეიძლება განისაზღვროს თუ სად წავლენ ისინი!“ ასე თქვა ერთმა პროტესტანტმა-მქადაგებელმა. „თეოლოგიის ევანგელიკური ლექსიკონის“ (ინგლ) თანახმად, სიტყვა „ზეატაცება“ განეკუთვნება „ეკლესიის გაერთიანებას ქრისტესთან მისი მეორედ მოსვლის დროს“.

ზოგიერთს სევდა ეუფლება, როცა ფიქრობს იმის შესახებ, რომ უნდა დატოვოს მეგობრები და ოჯახი, რათა შეხვდეს იესო ქრისტეს. მიუხედავად ამისა, ბევრს სჯერა, რომ უნდა მოხდეს ზეატაცება. მოხდება თუ არა ის? თუ დიახ, მაშინ, როდის?

სხვადასხვა შეხედულებანი ზეატაცებაზე

ბიბლია გვიჩვენებს, რომ ქრისტეს აღთქმული ათასწლიანი მმართველობის დაწყებამდე იქნება პერიოდი, რომელსაც „დიდი ჭირი“ ეწოდება. იესომ თქვა: „მაშინ იქნება დიდი ჭირი , როგორიც არ ყოფილა სამყაროს დასაბამიდან ახლანდლამდე და აღარც არასოდეს იქნება“ (მათე 24:21; გამოცხადება 20:6). ზოგიერთებს მიაჩნიათ, რომ ზეატაცება მოხდება დიდი ჭირის დაწყებამდე. სხვები მას მოელიან დიდი ჭირის დროს. ხოლო არიან ისეთებიც რომლებიც ფიქრობენ, რომ ზეატაცება მოხდება ამ უმაგალითო უბედურების შემდეგ.

მე-XIX საუკუნის დასაწყისამდე გაბატონებული იყო აზრი იმის შესახებ, რომ ზეატაცება მოხდება დიდი ჭირის შემდეგ. მოგვიანებით, ინგლისში თავი იჩინა მიმდინარეობამ, რომელსაც სათავეში ჩაუდგა ირლანდიის ეკლესიის მღვდელი ჯონ ნელსონ დარბი. ის და მის მსგავსად განწყოვბილი ანგლიკანური ეკლესიის წევრები ცნობილი გახდნენ, როგორც ბრეტრენები. დაუდო რა საწყისი პლიმუთში, დარბი საქადაგებლად გაემგზავრა შვეიცარიასა და ევროპის სხვა ადგილებში. იგი ამტკიცებდა, რომ ქრისტეს დაბრუნება მოხდება ორ სტადიაში. იგი დაიწყება საიდუმლო ზეატაცებით, რომლის დროსაც „წმიდანები“ ატაცებული იქნებიან ჯერ კიდევ სანამ დედამიწას დააქცევს ჭირი, რომელიც შვიდ წელს გასტანს. შემდეგ, ხილული სახით გამოცხადდება ქრისტე ამ „წმიდანების“ თანხლებით და ისინი ერთად იმეფებენ დედამიწაზე ათას წელს.

დარბი ხაზს უსვამდა აუცილებლობას ყოფილიყვნენ ქვეყნიერებისაგან გამოყოფილნი და ისინი ვინც იზიარებდა მის შეხედულებებს, საბოლოოდ ცნობილი გახდნენ, როგორც კარჩაკეტილი ბრენტრენები. ბ.ვ. ნიუტონმა, რომელსაც სწამდა ზეატაცების, გამოაცხადა სხვა ფრაქცია, მაგრამ არ თვლიდა, რომ იგი დიდი ჭირის წინ უნდა მომხდარიყო. ალექსანდრე რისი, მომხრე იმ შეხედულებისა, რომ თითქოსდა ზეატაცება მოხდება დიდი ჭირის შემდეგ, ამტკიცებდა, რომ „თეორიები საიდუმლო ზეატაცების შესახებ საშიშროებას წარმოადგენს ქრისტეს დაბრუნების იმედისათვის“.

იმ აზრის მომხრეებს, რომ ზეატაცება მოხდება დიდი ჭირის წინ, სწამთ იმისა, რომ საკმაოდ სერიოზულია ეს განსხვავებული აზრები და ზეგავლენას ახდენს „ქრისტეს დაბრუნებასთან დაკავშირებულ [მათი] იმედის არსზე“. სხვებს სწამთ „ნაწილობრივი ამაღლების თეორიისა“, და გულისხმობენ, რომ პირველად ატაცებულნი იქნებიან ქრისტეს უერთგულესი პირები, ხოლო მოგვიანებით კი — ამქვეყნიურად განწყობილი ადამიანები.

ბევრი ევანგელიკური ჯგუფი ქადაგებს ერთგული ქრისტიანების გარდუვალ ზეატაცებას. მაგრამ ერთმანეთისაგან განსხვავებული აზრების მხედველობაში მიღებით, ორმოცდაათიანელთა ელიმის ბრიტანული ეკლესიის მიერ გამოქვეყნებულ ბროშურაში, ნათქვამია: „იმ დროს, როდესაც ჩვენ ვეთანხმებით უფალ იესოს დაბრუნებასთან დაკავშირებული მოვლენების ფართო გეგმას. . . დაიშვება, ადამიანის რწმენის თანახმად, წინასწარმეტყველებათა ახსნა-განმარტების თავისუფლება. ბევრი არა-დოგმატურ პოზიციას იკავებს, მოთმინებით ელოდება რა, რომ მოვლენები თავად გახსნიან წინასწარმეტყველურ პროგრამას“.

ღმერთის შთაგონებული სიტყვა, ბიბლია, — ეს ის ნიმუშია, რომელის თანახმადაც უნდა გავზომოთ ყველა რწმენის ჭეშმარიტება (2 ტიმოთე 1:13; 3:16–17). მაგრამ, რას ამბობს ბიბლია ზეატაცების შესახებ?