იქნება აგვისტო განსაკუთრებული თვე?
1 იეჰოვას ხალხისთვის 1963 წელი განსაკუთრებული იყო. იცი რატომ? იმ დროს მაუწყებელთა რიცხვმა მთელ მსოფლიოში ერთ მილიონს მიაღწია. ძალიან აღფრთოვანებულები ვიყავით, რომ სამეფოს შესახებ ცნობას ამდენი ქადაგებდა! 1974 წელს მათი რიცხვი 2 მილიონამდე გაიზარდა, 1985 წელს 3 მილიონს გადააჭარბა, 1990 წელს — 4 მილიონს, 1995 წელს კი — 5 მილიონს.
2 მაუწყებელთა უმაღლესმა რიცხვმა რუსეთში 1998 წლის მარტში 95 006-ს მიაღწია. მრავალმა სხვა ქვეყანამაც, რომლებსაც რუსეთის ფილიალი უწევს კოორდინირებას, უმაღლეს რიცხვს მიაღწია და მაუწყებელთა საერთო უმაღლესი რიცხვი 132 343 გახდა. აგვისტოს განმავლობაში ვეცდებით, რომ კვლავ არნახულ რიცხვს მივაღწიოთ. იქნება 140 000 მაუწყებელი? აგვისტო მართლაც განსაკუთრებული თვე იქნება, თუ ჩვენს ძალისხმევას შედეგები მოჰყვება! ამას კი იმ შემთხვევაში მივაღწევთ, თუ თითოეული ჩვენგანი ამ საქმეში თავის წვლილს შეიტანს.
3 მათ, რომლებიც შვებულებას გეგმავენ, შეუძლიათ გამგზავრებამდე რამდენიმე დღე მსახურებას დაუთმონ. თან წაიღე ტრაქტატები, ბროშურები ან ჟურნალები, რათა შეგეძლოს იმ ადამიანებისთვის ქადაგება, რომლებსაც მგზავრობისას შეხვდები. აგრეთვე იქ, სადაც დასვენებას აპირებ, შეგიძლია სიხარულით ითანამშრომლო ადგილობრივ მაუწყებლებთან.
4 თუ ჯანმრთელობა ხელს არ გიწყობს, მაინც შეგიძლია მსახურებაში მონაწილეობის მიღება. შეგიძლია ექიმებს, ექთნებს ან მნახველებს უქადაგო. შეიძლება წერილით ან ტელეფონით მოახერხო ქადაგება.
5 ზოგი უეჭველად დააფასებს მათთვის გაწეულ დახმარებას, რომ აგვისტოში მონაწილეობა მიიღონ სამქადაგებლო მსახურებაში. უხუცესებმა, სამსახურებრივმა თანაშემწეებმა და წიგნის შესწავლის ხელმძღვანელებმა უნდა იზრუნონ ასეთი დახმარების გაწევაზე. გარდა ამისა, არ დაგავიწყდეს თვის ბოლოს დაუყოვნებლივ ჩააბარო სამქადაგებლო სამსახურის ანგარიში, რომ აგვისტოში შენც მაუწყებლად ჩაითვალო.
6 გაუფრთხილდი უპირატესობას. მსახურება ‘კეთილი საწინდარია’ (2 ტიმ. 1:14). ჩვენ ვაფასებთ იმ უპირატესობას, რომელიც მოგვეცა კეთილი ცნობის გავრცელებასთან დაკავშირებით (1 თეს. 2:4). ყოველივე იმის მხედველობაში მიღებამ, რაც იეჰოვას ჩვენთვის გაუკეთებია, უნდა აღგვძრას, მთელი წლის განმავლობაში განუწყვეტლივ მივიღოთ მონაწილეობა ამ მეტად მნიშვნელოვან საქმეში. არ უნდა დავუშვათ, რომ რაიმემ შეგვიშალოს ხელი სისტემატურ მსახურებაში. მოდი აგვისტო განსაკუთრებულ თვედ ვაქციოთ იეჰოვასადმი მსახურებაში და მივიღოთ გადაწყვეტილება, რომ იეჰოვას შესახებ ამის შემდეგ ყოველთვე ვიქადაგოთ! (ფსალმ. 33:2).