დაეხმარე შენი წიგნის შესწავლის ზედამხედველს
1 თითოეული ჩვენგანი დიდ სარგებლობას იღებს კრების წიგნის შესწავლიდან. გასულ თვეს განვიხილეთ, როგორ უნდა შეასრულოს წიგნის შესწავლის ზედამხედველმა თავისი მოვალეობა. მაგრამ როგორ დავეხმაროთ მას ისე, რომ საკუთარ თავსაც და სხვებსაც სარგებლობა მოვუტანოთ?
2 ყოველთვის დაესწარი. ვინაიდან წიგნის შესწავლის ჯგუფები მცირერიცხოვანია, შენი დასწრება მნიშვნელოვანია. მიზნად დაისახე, რეგულარულად დაესწრო ამ შეხვედრას. აგრეთვე, ზედამხედველს შეგიძლია დაეხმარო შენი პუნქტუალობით, რაც საშუალებას მისცემს მას, რომ დროულად დაიწყოს შეხვედრა (1 კორ. 14:40).
3 გამამხნევებელი კომენტარები. დახმარების სხვა საშუალებაა კარგად მომზადებული და გამამხნევებელი კომენტარების გაკეთება. ჩვეულებრივ, საუკეთესოდ ითვლება ისეთი კომენტარი, რომელშიც მხოლოდ ერთ მნიშვნელოვან პუნქტზე მახვილდება ყურადღება. ეს სხვებსაც წაახალისებს, რომ უპასუხონ. ნუ ეცდები მთელი აბზაცის განხილვას. თუ რომელიმე პუნქტი განსაკუთრებით შეეხო შენს გულს, გაამრავალფეროვნე განხილვა და გამოთქვი საკუთარი აზრი (1 პეტ. 4:10).
4 თუ წიგნის შესწავლაზე აბზაცებს კითხულობ, გულმოდგინედ მოეკიდე ამ დავალებას, რათა მთელმა ჯგუფმა მიიღოს სარგებლობა. კარგ კითხვას მნიშვნელოვანი წვლილი შეაქვს შესწავლის ნაყოფიერად და სასიამოვნოდ ჩატარებაში (1 ტიმ. 4:13).
5 ჯგუფური ქადაგება. სამქადაგებლო სამსახურის შეხვედრა ხშირად წიგნის შესწავლის ჩატარების ადგილზევე ტარდება. ამ ღონისძიებისადმი შენი მხარდაჭერა ზედამხედველს გაუადვილებს სასიხარულო ცნობის ქადაგების საქმის ხელმძღვანელობას. ამ შეხვედრებს ისე უყურე, როგორც და-ძმებთან დაახლოებისა და მათი გამხნევების შესაძლებლობას.
6 სამქადაგებლო მსახურების ანგარიში. ანგარიშის ჩაბარება ყოველი თვის ბოლოს ზედამხედველის დახმარების კიდევ ერთი საშუალებაა. შეგიძლია პირადად მისცე მას ანგარიში, ან ამისთვის განკუთვნილ ყუთში ჩააგდო სამეფო დარბაზში. მდივანს შეუძლია ისარგებლოს ამ ყუთით, რათა შეაგროვოს წიგნის შესწავლის ზედამხედველების მიერ შეკრებილი სამქადაგებლო მსახურების ანგარიშები.
7 წიგნის შესწავლის ზედამხედველთან თანამშრომლობა შეუმჩნეველი არ დარჩება. და რაც მთავარია, შეგიძლია დარწმუნებული იყო, რომ იეჰოვა ‘იქნება შენ მიერ გამოვლენილ სულთან’ (ფილ. 4:23, აქ).