„რას გვასწავლის ბიბლია?“ — ბიბლიის შესასწავლი ძირითადი სახელმძღვანელო

¹ საოლქო კონგრესზე „ღვთისმოსაწონი მორჩილება“ ძალიან გაგვახარა იმის გაგებამ, რომ გამოიცა წიგნი „რას გვასწავლის ბიბლია სინამდვილეში?“! შაბათის პროგრამის დასრულების შემდეგ დელეგატები სიხარულით იღებდნენ ამ წიგნის პირად ეგზემპლარებს. როგორ გამოვიყენებთ ამ ახალ სახელმძღვანელოს? ის იქნება ძირითადი სახელმძღვანელო ბიბლიის შესწავლების ჩასატარებლად. გასავრცელებელი ლიტერატურის სიაში ის მხოლოდ მარტშია მოხსენიებული, მაგრამ კარგი იქნება, თუ მაუწყებლები უკვე დაიწყებენ ამ წიგნის გამოყენებას ბიბლიის შესწავლების დასაწყებად და ჩასატარებლად.

² შესწავლები, რომლებსაც ახლა ვატარებთ: მაუწყებლებს, რომელთაც დაწყებული აქვთ შესწავლები „შემეცნებით“ ან ბროშურით „რას მოითხოვს“, გამჭრიახობა მართებთ იმის გადასაწყვეტად, თუ როგორ და როდის დაიწყებენ ახალი პუბლიკაციის გამოყენებას. თუ შესწავლა ახალი დაწყებული გაქვთ, შეგიძლიათ ახალი წიგნი შეისწავლოთ. ხოლო თუ კარგა ხნის დაწყებული გაქვთ „შემეცნებით“, ის შეგიძლიათ გააგრძელოთ შესაბამისი თავებით წიგნიდან „რას გვასწავლის ბიბლია?“. თუ უკვე „შემეცნების“ ბოლო თავებზე ხართ, შეიძლება ჯობდეს მისი დასრულება.

³ ალბათ, ვიცნობთ ისეთ ადამიანებს, რომელთაც სარგებლობას მოუტანდა წიგნის „რას გვასწავლის ბიბლია?“ შესწავლა. ხომ არ შესთავაზებდი მათ ბიბლიის შესწავლას ამ სახელმძღვანელოს მეშვეობით? მაგალითად, მათ, ვინც უკვე სწავლობდა ბიბლიას „შემეცნებით“ ან ბროშურით „რას მოითხოვს“, მაგრამ არ წაიწია წინ მიძღვნისა და ნათლობისკენ, შეიძლება სურდეთ ამ ახალი წიგნის მეშვეობით შესწავლის ახლიდან დაწყება. მშობლებმა შეიძლება ამ პუბლიკაციის გამოყენება არჩიონ იმ მიზნით, რომ შვილებს ღვთის ნების შესახებ საფუძვლიანი ცოდნა ჩაუნერგონ (კოლ. 1:9, 10).

⁴ მეორე პუბლიკაციის შესწავლა: არის თუ არა გათვალისწინებული სხვა პუბლიკაციის შესწავლა მას შემდეგ, რაც დაინტერესებულს შეასწავლით წიგნს „რას გვასწავლის ბიბლია სინამდვილეში?“ დიახ. თუ აშკარაა, რომ შემსწავლელი წინ მიიწევს, თუნდაც ნელა, და აფასებს შესწავლილს, ბიბლიის შესწავლა შეიძლება გაგრძელდეს წიგნით „თაყვანი ეცი ერთადერთ ჭეშმარიტ ღმერთს“. დარწმუნებულნი ვართ, რომ წიგნი „რას გვასწავლის ბიბლია?“ დიდ დახმარებას გაგვიწევს მოწაფეების მომზადების საქმეში (მათ. 28:19, 20).