დაეხმარე უსინათლოებს იეჰოვას გაცნობაში

1. როგორ თანაუგრძნო იესომ უსინათლოებს?

¹ იესოს რამდენიმე დღეში მოკლავდნენ. როცა იგი იერიხონიდან გამოდიოდა, ორი უსინათლო მათხოვრის ყვირილი შემოესმა: „შეგვიწყალე, უფალო“. მართალია, იესოს გონებაში მოსალოდნელი განსაცდელები უტრიალებდა, მაგრამ ის მაინც გაჩერდა, უსინათლოები თავისთან მიიხმო და განკურნა (მათ. 20:29—34). ჩვენ როგორ შეგვიძლია ამ მხრივ იესოს მივბაძოთ და თანავუგრძნოთ უსინათლოებს?

2. როგორ შეგვიძლია ვუქადაგოთ უსინათლოს?

² შესთავაზე დახმარება. თუ სადმე უსინათლო ადამიანს შეხვდები, მაგალითად, ქუჩაში, გაეცანი და შესთავაზე დახმარება. ვინაიდან მათი მდგომარეობით სხვები ხშირად ბოროტად სარგებლობენ, თავიდან უსინათლო შეიძლება შენ მიმართ უნდობლად განეწყოს. თუმცა შენ მიერ გამოვლენილი გულწრფელი ინტერესისა და მეგობრული დამოკიდებულების წყალობით, შეიძლება მან თავისუფლად იგრძნოს თავი. ამასთანავე, არ დაგავიწყდეს, რომ მხედველობის დაქვეითების სხვადასხვა სტადია არსებობს; ამის მიხედვით შეგიძლია განსაზღვრო, თუ რა სახის დახმარება ესაჭიროება მხედველობადაქვეითებულს. მას შემდეგ, რაც მას დახმარებას აღმოუჩენ, შეგიძლია აღნიშნო, რომ ჩართული ხარ ბიბლიის საგანმანათლებლო საქმიანობაში. უთხარი, რომ ბიბლიიდან წაუკითხავ მუხლს; მაგალითად, შეგიძლია წაუკითხო ფსალმუნის 146:8 ან ესაიას 35:5, 6. იმ შემთხვევაში, თუ უსინათლო ბრაილის შრიფტით კითხულობს, ჰკითხე, ხომ არ ისურვებდა ამ შრიფტით დაბეჭდილი პუბლიკაციის წაკითხვას, რომელიც მას ბიბლიის შესახებ უფრო მეტ ინფორმაციას მიაწვდიდა. აგრეთვე შეგიძლია მას ჩვენი ვებ-გვერდიდან jw.org აუდიოფაილები ჩამოუტვირთო (იხილე ჩარჩო „როდესაც უსინათლოს ეხმარები“).

3. როგორ შეგვიძლია მოვძებნოთ უსინათლოები?

³ მოძებნე უსინათლოები. კარდაკარ მსახურებისას იშვიათად ვხვდებით უსინათლოებს, ვინაიდან უმრავლესობას არ სიამოვნებს მათ კართან მისულ უცხო ადამიანებთან საუბარი. აქედან გამომდინარე, ჩვენი მხრიდან ძალისხმევაა საჭირო, რომ მოვძებნოთ ეს ადამიანები, რათა ვუქადაგოთ (მათ. 10:11). შენ ხომ არ გყავს უსინათლო თანამშრომელი ან თანასკოლელი? თუ დიახ, თავად გადადგი პირველი ნაბიჯი და დაელაპარაკე მას. თუ შენს ტერიტორიაზე უსინათლოთა სკოლაა, შესთავაზე სკოლის წარმომადგენლობას, რომ მათი ბიბლიოთეკისთვის ბრაილის შრიფტით გამოცემულ პუბლიკაციებს მიუტან. ხომ არ იცნობ ვინმეს, ვისაც უსინათლო ოჯახის წევრი ჰყავს? ან შენს ტერიტორიაზე ისეთი ორგანიზაცია ხომ არაა, რომელიც ცალკეულ უსინათლოებს ან იმ დაწესებულებებს ეხმარება, სადაც უსინათლოები ცხოვრობენ? თუ ასეა, ამ შემთხვევაში კარგი იქნება, რომ ოჯახის წევრს, ორგანიზაციის მიმღებში მომუშავე თანამშრომელსა თუ დირექტორს აუხსნა, რომ ხარ იეჰოვას მოწმე და რომ იეჰოვას მოწმეებს ძალიან სურთ, დაეხმარონ უსინათლოებს; შესთავაზე, ბრაილის შრიფტით დაბეჭდილი პუბლიკაციები ან აუდიოჩანაწერები. ბიბლიიდან უჩვენე, რომ ღმერთი მალე უსინათლობის პრობლემას ერთხელ და სამუდამოდ მოაგვარებს. აგრეთვე შეგიძლია ჩვენი ვებ-გვერდიდან jw.org უჩვენო ვიდეორგოლი „მის გარეშე ძალიან გამიჭირდებოდა!“, რომელშიც ნაჩვენებია ერთი უსინათლო მამაკაცი, რომელსაც დიდ დახმარებას უწევს ბრაილის შრიფტით გამოცემული ბიბლია. მას შემდეგ, რაც აუხსნი შუამავალ პირს შენი მისვლის მიზანს, შესაძლოა უსინათლოებთან გასაუბრების საშუალება მოგეცეს.

4. რას ვსწავლობთ ჯანეტის მაგალითიდან?

⁴ ერთი უსინათლო და ჯანეტი ესტუმრა უსინათლოთა დაწესებულებას. ის ახალგაზრდა ქალს გაესაუბრა. ჯანეტმა ასეთი რამ უთხრა მას: „იესომ უსინათლოები განკურნა. ეს იმაზე მიუთითებს, რომ ქრისტე მომავალში ყველა უსინათლოს მხედველობას დაუბრუნებს“. მათ გამოცხადების 21:3, 4 მუხლებზე იმსჯელეს და ჯანეტმა ქალს აუხსნა, რომ ამ დაპირებას ღვთის სამეფო შეასხამდა ხორცს. ქალი ცოტა ხნით ჩაფიქრდა და შემდეგ თქვა: „ასეთი აზრი უსინათლოსგან ჯერ არ მსმენია. ძირითადად, თვალისჩინის მქონე ხალხი სხვათა სიბრმავეს იმით ხსნის, რომ უსინათლო ადამიანებმა ან მათმა წინაპრებმა წარსულში შესცოდეს“. ჯანეტმა ამ ქალს იმეილით გაუგზავნა ბმული, რათა მას ჩვენ ვებ-გვერდზე ენახა წიგნი „რას გვასწავლის ბიბლია?“; ამჟამად, ისინი კვირაში ორჯერ ატარებენ ბიბლიის შესწავლას.

5. მართალია, უსინათლოებს თვალს ვერ ავუხელთ, მაგრამ რა კურთხევებს მივიღებთ, თუ დავინტერესდებით მათით?

⁵ რა თქმა უნდა, ჩვენ იესოს მსგავსად, უსინათლოებს ვერ განვკურნავთ, მაგრამ ჩვენ მათ, რომელთაც ამ ქვეყნიერების ღმერთმა არა მარტო ფიზიკური თვალისჩინი წაართვა, არამედ გონებაც დაუბრმავა, შეგვიძლია ბიბლიური ჭეშმარიტება გავაგებინოთ (2 კორ. 4:4). იესომ იერიხონის მახლობლად იმიტომ განკურნა ორი უსინათლო მამაკაცი, რომ „გული დაეწვა“ მათზე (მათ. 20:34). თუ ჩვენც დავინტერესდებით უსინათლო ადამიანებით, მათ იეჰოვას გაცნობაში დავეხმარებით, ღვთისა, რომელიც ყველა უსინათლოს აუხელს თვალს. მათი დახმარება კი ჩვენთვის ნამდვილად დიდი პატივია.