კოვიდპანდემიას 6 მილიონზე მეტი ადამიანი ემსხვერპლა — რას ამბობს ბიბლია?

2022 წლის 23 მაისს ჯანდაცვის მსოფლიო ორგანიზაციის მიერ გამოქვეყნებული მონაცემებით, ოფიციალურად კორონავირუსმა 6,27 მილიონი ადამიანი შეიწირა. თუმცა ამა წლის 5 მაისს ჯანმომ თავისი კვლევის შედეგები წარადგინა, რომლის მიხედვითაც გარდაცვალების სტატისტიკა გაცილებით მაღალია. იქ აღნიშნული იყო, რომ გამოთვლებში გათვალისწინებულია 2020 და 2021 წლებში „როგორც პირდაპირ კოვიდით გარდაცვალების შემთხვევები, ისე ირიბი გარემოების გამო დაფიქსირებული სიკვდილიანობა … საერთო მაჩვენებელი 15 მილიონამდე აღწევს“. რა იყო ბიბლიაში ნაწინასწარმეტყველები და რა იმედს გვისახავს ღვთის სიტყვა?

წინასწარმეტყველება ეპიდემიებზე

• იესომ იწინასწარმეტყველა, რომ „ბოლო დღეებში“ იქნებოდა ეპიდემიები (ლუკა 21:11; 2 ტიმოთე 3:1).

იესოს ეს წინასწარმეტყველება სწორედ რომ დღეს სრულდება. დამატებითი ინფორმაციისთვის იხილეთ სტატია «რა არის „ბოლო დღეების“ ნიშანი?».

ბიბლია ნუგეშს გვგვრის

• „[ნუგეშისმცემელი ღმერთი] ნებისმიერი გასაჭირის დროს გვანუგეშებს“ (2 კორინთელები 1:3, 4).

ბევრს, ვისაც სიკვდილმა ძვირფასი ადამიანი გამოსტაცა ხელიდან, ბიბლია ნუგეშს ჰგვრის. დამატებითი ინფორმაციისთვის იხილეთ სტატიები „რის გაკეთება შეუძლიათ მგლოვიარეებს მდგომარეობის შესამსუბუქებლად?“ და „ნამდვილი ნუგეში მგლოვიარეთათვის“.

ბიბლია იმედს გვისახავს

• „მოვიდეს შენი სამეფო. შესრულდეს შენი ნება როგორც ზეცაში, ისე დედამიწაზე“ (მათე 6:10).

ძალიან მალე „ღვთის სამეფოს“ მმართველობის დროს „არცერთი მცხოვრები არ იტყვის, ავად ვარო“ (მარკოზი 1:14, 15; ესაია 33:24). უყურეთ ვიდეოს „რა არის ღვთის სამეფო?“ და გაიგეთ მეტი იმის შესახებ, თუ რას გააკეთებს ის.

ბიბლიაში ჩაწერილი ბრძნული რჩევები და საუცხოო დაპირებები თქვენ და თქვენს ოჯახს იმედსაც ჩაგისახავთ და თქვენს ცხოვრებას დღესვე უკეთესობისკენ შეცვლის. ჩვენ სიამოვნებით გაგიწევთ დახმარებას, თუ გსურთ, უკეთ გაეცნოთ ამ წიგნს.