დედამიწა განადგურების პირასაა — რას ამბობს ბიბლია?

„კლიმატური კატასტროფა კარსაა მომდგარი. მსოფლიოს უდიდესი ქალაქები წყლით დაიფარება, უპრეცედენტოდ გახშირდება სიცხის ტალღები, იქნება მძლავრი ქარიშხლები და მასშტაბური წყლის დეფიციტი, გადაშენდება მცენარეთა და ცხოველთა მილიონობით სახეობა. ეს ფანტასტიკა კი არა, გარდაუვალი რეალობაა. მეცნიერები სწორედ ასეთ მომავალს გვიწინასწარმეტყველებენ, თუ არსებული ენერგეტიკული პოლიტიკა არ შეიცვლება“ — ასე გამოეხმაურა გაეროს გენერალური მდივანი, ანტონიო გუტერეში, კლიმატის ცვლილების მთავრობათაშორისი ექსპერტთა ჯგუფის (IPCC) ამა წლის 4 აპრილის ანგარიშს.

„მეცნიერები განგაშის ზარს რეკენ. მომდევნო წლებში კლიმატის ცვლილების გამო შეერთებულ შტატებში თითქმის 423 ეროვნულ პარკს მიადგება დიდი ზიანი. ცეცხლი და პაპანაქება, წყალდიდობა, ყინულის დნობა და ზღვის დონის მატება. ეს შემაშფოთებელი სურათი ბიბლიურ განკითხვის დღეს მოგვაგონებს“ — აღნიშნული იყო გაზეთ „ნიუ-იორკ ტაიმზის“ ამა წლის 15 ივნისის ნომერში.

უნდა გვქონდეს ამ პრობლემების გადაჭრის იმედი? ვის შესწევს ამის ძალა? მოდი გავიგოთ, რას ამბობს ბიბლია ამ საკითხზე.

ნაწინასწარმეტყველები ეკოლოგიური პრობლემები

ბიბლიაში ნათქვამია, რომ ღმერთი მოსპობს დედამიწის მომსპობთ (გამოცხადება 11:18). ამ წინასწარმეტყველებიდან სამი მნიშვნელოვანი აზრი იკვეთება:

1. 1) ადამიანები დედამიწას უდიდეს ზიანს მიაყენებდნენ.

2. 2) დედამიწისთვის ზიანის მიყენება შეწყდებოდა.

3. 3) ეკოლოგიურ პრობლემებს ღმერთი გადაჭრიდა და არა ადამიანები.

ჩვენს პლანეტას განადგურება არ ემუქრება

ბიბლიაში ნათქვამია: „დედამიწა მარადიულად რჩება“ (ეკლესიასტე 1:4). ჩვენი პლანეტა ყოველთვის დასახლებული იქნება.

• „მართლები დაიმკვიდრებენ დედამიწას და მარადიულად იცხოვრებენ მასზე“ (ფსალმუნი 37:29).

ეკოლოგიური პრობლემები წარსულს ჩაბარდება.

• „გაიხარებს უდაბნო და ხრიოკი მიწა, გამხიარულდება უკაცრიელი ველი და ზაფრანასავით გაიფურჩქნება“ (ესაია 35:1).