როგორ ამცირებს მარტოობის განცდას მეგობრულობა?
ექსპერტების შეფასებით 2023 წელს მარტოობის გრძნობა საზოგადოებაში ერთ-ერთ მთავარ პრობლემად იქცა, რომელიც აუცილებლად უნდა მოგვარდეს. მაგრამ რამდენად შესაძლებელია ამ პრობლემასთან ბრძოლა?
აშშ-ის მთავარი ქირურგი, ვივეკ მურტი აცხადებს: „მარტოობის განცდა და საზოგადოებისგან იზოლირება სერიოზულ საფრთხეს უქმნის ჩვენს ჯანმრთელობასა და ბედნიერებას. მაგრამ ჩვენ შეგვიძლია ამ პრობლემასთან ბრძოლა. როგორ? უნდა ვეცადოთ, თუნდაც მცირე ჟესტით ვაგრძნობინოთ მეგობრული დამოკიდებულება ჩვენ ირგვლივ მყოფებს“.a
მარტოობის გრძნობას მხოლოდ საზოგადოებისგან იზოლირება არ იწვევს. შეიძლება თავს მარტოდ ბევრი ადამიანის გარემოცვაშიც ვგრძნობდეთ. რაც არ უნდა იყოს მარტოობის გამომწვევი მიზეზი, ბიბლია გამოსავალს გვთავაზობს. მასში მოცემული პრაქტიკული რჩევები გვეხმარება, უფრო მეგობრულები გავხდეთ და ნაკლებად გაგვიჩნდეს მარტოობის განცდა.
ბიბლიური რჩევები
იყავით კომუნიკაბელური. ასეთი ადამიანი მხოლოდ თავის აზრებსა და გრძნობებს კი არ უზიარებს სხვებს, არამედ კარგი მომსმენიც არის. სხვების მიმართ ინტერესის გამოჩენა დაგვეხმარება ურთიერთობების გაუმჯობესებაში.
ბიბლიური პრინციპი: „მხოლოდ პირად კეთილდღეობაზე კი ნუ იზრუნებთ, არამედ სხვების კეთილდღეობაზეც“ (ფილიპელები 2:4).
გააფართოვეთ სამეგობრო წრე. მხოლოდ თანატოლებით ნუ შემოიფარგლებით. სხვადასხვა ასაკის, კულტურისა თუ წარმომავლობის ადამიანებსაც დაუმეგობრდით.
ბიბლიური პრინციპი: „ფართოდ გახსენით გულისკარი!“ (2 კორინთელები 6:13).
წაიკითხეთ სტატია „მეგობრების შეძენის ძლიერი სურვილის დაკმაყოფილება“ და გაიგეთ, რა დაგეხმარებათ კარგი მეგობრების შეძენაში.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.