6, 7. რატომ არის ბავშვზე სექსუალური ძალადობა კრებისა და ხელისუფლების წინააღმდეგ ჩადენილი დანაშაული?

⁶ კრების წინააღმდეგ ჩადენილი ცოდვა. როცა ქრისტიანი ბავშვზე სექსუალურად ძალადობს, კრების რეპუტაციას ლახავს (მათ. 5:16; 1 პეტ. 2:12). უსამართლობა იქნებოდა იმის თქმა, რომ ქრისტიანული კრება იწყნარებს ბავშვებზე სექსუალურ ძალადობას, მაშინ როცა მილიონობით ღვთის მსახური ყველაფერს აკეთებს, რომ იეჰოვას განსადიდებლად მოიქცეს (იუდ. 3). ქრისტიანულ კრებაში არასდროს მოიძებნება ადგილი მათთვის, ვინც მოუნანიებლად სჩადის ბოროტებას და ღვთის ორგანიზაციის რეპუტაციას ლახავს.

რა თქმა უნდა, როცა კრებაში ვინმე სექსუალურად ძალადობს ბავშვზე, ის ასე ვთქვათ, „ჰპარავს“ მას უსაფრთხოების განცდას, რაც იეჰოვას წინაშე ორგული საქციელია. მოძალადე უდიდეს შეურაცხყოფას აყენებს იეჰოვას სახელს. სწორედ ამიტომ არის ბავშვზე სექსუალური ძალადობა ღვთის წინააღმდეგ ჩადენილი მძიმე ცოდვა, რაც სისაძაგლედ უნდა მივიჩნიოთ.