19. რომელი გულთბილი სიტყვებით მიმართავს იეჰოვა თავის ხალხს?

¹⁹ იეჰოვას სურს, რომ მისი ხალხი მოერიდოს უბედურებას და სიცოცხლით დატკბეს, რაც შესანიშნავად ჩანს მის სიტყვებში: «ნეტავ ყურადგეღო ჩემი მცნებები! მაშინ მდინარესავით იქნებოდა შენი სიმრთელე [„მშვიდობა“, აქ] და ზღვის ტალღებივით — შენი სიმართლე» (ესაია 48:18). რა გულთბილად მიმართავს ყოვლისშემძლე შემოქმედი ხალხს! (მეორე რჯული 5:26; ფსალმუნი 80:14). ტყვეობის ნაცვლად, ისრაელებს შესაძლებლობა აქვთ, დატკბნენ მშვიდობით, რომელიც მდინარის წყალივით იდინებს მათკენ (ფსალმუნი 118:165). მათი სიმართლის საქმეები ზღვის ტალღებივით მრავალრიცხოვანი იქნება (ამოსი 5:24). იეჰოვა გულწრფელი ინტერესით მიმართავს ისრაელებს და სიყვარულით უჩვენებს მათ სავალ გზას. ნეტავ მოუსმენდნენ მას!

21. როგორ ვართ კურთხეული დღეს, თუ იეჰოვას ხელმძღვანელობას ვექვემდებარებით?

²¹ ამ შთამბეჭდავ მონაკვეთში მოცემული პრინციპები იეჰოვას თანამედროვე თაყვანისმცემლებსაც ეხება. იეჰოვა სიცოცხლის წყაროა და ამიტომაც ყველაზე უკეთ იცის, როგორ უნდა ვიცხოვროთ (ფსალმუნი 35:10). იეჰოვა თავად გვხელმძღვანელობს, რითაც სიხარულს კი არ გვართმევს, არამედ ჩვენთვის სარგებლობა მოაქვს. ჭეშმარიტ ქრისტიანებს სურთ, მის მიერ იყვნენ დამოძღვრილი (მიქა 4:2). იეჰოვას მითითებები იცავს ჩვენს სულიერობას, მასთან ურთიერთობის შენარჩუნებაში გვეხმარება და სატანის დამღუპველი ზეგავლენისაგან გვიფარავს. როდესაც გვესმის, რა პრინციპებია ჩადებულიღვთის კანონებში, ვხედავთ, რომ იეჰოვა ჩვენს სასიკეთოდ გვასწავლის. ვრწმუნდებით, რომ ‘მისი მცნებები მძიმე არ არის’. საბოლოოდ, ისინი სიცოცხლეს შეგვინარჩუნებენ (1 იოანე 2:17; 5:3).