• შენც ღვთის მსგავსად აფასებ სიცოცხლეს?
    „დარჩით ღვთის სიყვარულში“

    • 16. ბიბლიის რომელი პრინციპი ეხება აბორტს? (იხილეთ აგრეთვე სქოლიო)

      16 ღვთის თვალში არდაბადებული ბავშვის სიცოცხლეც ძვირფასია. ძველად ისრაელში, ორსულ ქალს თუ ვინმე ზიანს მიაყენებდა და ქალი ან ბავშვი მოკვდებოდა, მას „სულის სანაცვლოდ სული“ უნდა ეზღო, რადგან ღვთის თვალში ის მკვლელი იყო (წაიკითხეთ გამოსვლის 21:22, 23).c წარმოიდგინე, რას გრძნობს იეჰოვა, როცა ყოველ წელს ადამიანის ეგოისტურ სურვილებსა და უზნეობას მილიონობით არდაბადებული ბავშვის სიცოცხლე ეწირება!

      17. როგორ ანუგეშებდი ქალს, რომელმაც ღვთის ნორმების გაგებამდე აბორტი გაიკეთა?

      17 მაგრამ რის თქმა შეიძლება, თუ ქალმა ჭეშმარიტების გაგებამდე გაიკეთა აბორტი? აპატიებს ღმერთი მას? რასაკვირველია, იეჰოვა იესოს დაღვრილი სისხლის საფუძველზე აპატიებს მას, თუ გულწრფელად მოინანიებს (ფსალმუნი 103:8—14; ეფესოელები 1:7). ქრისტემ თქვა: „მე მოვედი არა მართალთა, არამედ ცოდვილთა მოსახმობად, რომ მოინანიონ“ (ლუკა 5:32).