„გამოჩნდა ცაში დიდი ნიშანი: მზით შემოსილი ქალი, რომელსაც ფეხქვეშ მთვარე ჰქონდა, თავზე კი თორმეტი ვარსკვლავის გვირგვინი ედგა,

აღსანიშნავია, რომ ქალს თორმეტი ვარსკვლავის გვირგვინი ედგა. რიცხვი 12 სისრულესა და ორგანიზებულობაზე მიუთიებსa. აქედან გამომდინარე, ეს 12 ვარსკვლავი, როგორც ჩანს, იმის მაჩვენებელია, რომ ეს ქალი წარმოადგენს ზეციერ ორგანიზაციას, ისევე როგორც ძველი იერუსალიმი წარმოადგენდა დედამიწაზე. ზედა იერუსალიმი იეჰოვას სულიერი ქმნილებებისგან შემდგარი ორგანიზაციაა, რომელიც ემსახურება მას, წარმოშობს შთამომავლობას და ამგვარად მისი ცოლის როლს ასრულებს.

6. ა) რაზე მეტყველებს ის ფაქტი, რომ იოანეს ხილვაში ნანახი ქალი მზით არის შემოსილი, ფეხქვეშ მთვარე აქვს და თავზე ვარსკვლავების გვირგვინი ადგას? ბ) რა არის წარმოდგენილი ორსული ქალის მშობიარობის ტკივილებით?

⁶ იოანეს ხილვაში ქალი მზით არის შემოსილი და ფეხქვეშ მთვარე აქვს. თუ ამ აღწერას ვარსკვლავების გვირგვინს დავურთავთ, ცხადი ხდება, რომ ის ზეციერი სინათლით არის გარემოცული. ღვთის კეთილგანწყობის შუქი დღე და ღამ უნათებს მას.