აუწყეთ ხალხს ახალი ქვეყნიერების შესახებ!

ნოემბერში მეტი შემართებით გავაცხადებთ სასიხარულო ცნობას ახალი ქვეყნიერების შესახებ (ფსალმ. 37:10, 11; გამოცხ. 21:3—5). ყველაფერი ისე დაგეგმე, რომ სრულად ჩაება ამ კამპანიაში. თუ ნოემბრის თვეში დამხმარე პიონერობას გადაწყვეტ, შეგიძლია, სურვილისამებრ, მსახურებას 30 ან 50 საათი დაუთმო.

განეწყვე, რომ რაც შეიძლება ბევრ ადამიანს ამოუკითხო ბიბლიური მუხლი მოახლოებული ახალი ქვეყნიერების შესახებ. მუხლის შერჩევისას გაითვალისწინე, რა აღელვებს შენს ტერიტორიაზე მცხოვრებ ხალხს. თუ ვინმე პირველივე საუბრისას გამოიჩენს ინტერესს, დაუტოვე 2021 წლის ფართო მკითხველისთვის განკუთვნილი „საგუშაგო კოშკის“ მე-2 ნომერი. რაც შეიძლება მალე მოინახულე დაინტერესებული განმეორებით და შეეცადე, დაიწყო ბიბლიის შესწავლა ბროშურით „იხარეთ ცხოვრებით მარადიულად!“. ნამდვილად დიდ სიხარულს იგრძნობ, თუკი ამ მძიმე დროში სრულად ჩაებმები დამაიმედებელი ცნობის გაცხადებაში! (ეს. 52:7).

უყურე მუსიკალურ ვიდეოკლიპს „წინ ვხედავთ სამოთხეს“, და უპასუხე შემდეგ კითხვებს:

• როგორ მომავალზე ფიქრობს გოგონა?

• რას ელი ყველაზე მეტად ახალ ქვეყნიერებაში?

• როგორ დაგეხმარება მომავალზე ფიქრი, რომ სრულად ჩაება ნოემბრის თვის კამპანიაში? (ლუკ. 6:45).