ისინი წარმოდგენილნი არიან ორი ზეთისხილის ხით და ორი სალამპრით და დედამიწის უფლის წინაშე დგანან» (გამოცხადება 11:3, 4).

იოანე მათ უწოდებს „ორ ზეთისხილის ხეს და ორ სალამპრეს“ და ამბობს, რომ ისინი „დედამიწის უფლის წინაშე დგანან“. აქ აშკარად ჩანს კავშირი ზაქარიას წინასწარმეტყველებასთან. მან იხილა შვიდლამპრიანი სალამპრე და ორი ზეთისხილის ხე.

სალამპრის ხილვამ ზაქარიას შეახსენა, რომ უმნიშვნელოდ არ ჩაეთვალა „მცირე წამოწყების დღე“, რადგან იეჰოვას განზრახვები შესრულდებოდა როგორც თავად ლაშქართა ღმერთმა იეჰოვამ თქვა: „არც ჯარითა და არც ძლიერებით, არამედ ჩემი სულით“ (ზაქარია 4:6, 10; 8:9). ქრისტიანების პატარა ჯგუფი, რომელიც პირველი მსოფლიო ომის დროს ჭეშმარიტების ნათელს ჰფენდა კაცობრიობას, მსგავს განახლებაში მიიღებდა მონაწილეობას. ისინიც გაამხნევებდნენ ხალხს, და რადგან ცოტანი იყვნენ, ისწავლიდნენ იეჰოვას ძალაზე მინდობას და უმნიშვნელოდ არ ჩათვლიდნენ „მცირე წამოწყების დღეს“.