სამსახურებრივი შეხვედრა

პროგრამის ბოლო ნაწილია სამსახურებრივი შეხვედრა. მოხსენებების, ინსცენირებების, ინტერვიუებისა და აუდიტორიასთან ერთად მსჯელობის მეშვეობით ამ შეხვედრაზე დამსწრეები ბიბლიური ჭეშმარიტების სხვებისთვის ეფექტურად გადაცემას სწავლობენ. საქადაგებლად გაგზავნამდე იესომ მოწაფეებს კონკრეტული მითითებები მისცა (ლუკა 10:1—16). მოწაფეები კარგად იყვნენ მომზადებულნი სამქადაგებლო საქმისთვის, ამიტომ მრავალი საინტერესო შემთხვევა ჰქონდათ. მოგვიანებით ისინი დაბრუნდნენ და ყველაფერი უამბეს იესოს (ლუკა 10:17). მოწაფეები ხშირად უზიარებდნენ ერთმანეთს თავიანთ შემთხვევებს (საქმეები 4:23; 15:4).

სამსახურებრივი შეხვედრის 35-წუთიანი პროგრამის გეგმა მოცემულია ყოველთვიურ გამოცემაში, რომელსაც „ჩვენი სამეფო მსახურება“ ეწოდება. რამდენიმე ხნის წინ მასში განიხილებოდა შემდეგი საკითხები: „მთელი ოჯახით თაყვანი ეცით იეჰოვას!“ „რატომ ვაკითხავთ ადამიანებს სახლში კვლავ და კვლავ?“ და „მიჰბაძე ქრისტეს მსახურებაში“. პროგრამა მთავრდება სიმღერით და ლოცვით. ლოცვას კრების ერთ-ერთი წევრი წარმოთქვამს.

[სურათი 23 გვერდზე]

სამსახურებრივი შეხვედრა