„ვიხილე თითქოს მინის ზღვა, ცეცხლნარევი. ისინი, ვინც იმარჯვებს მხეცზე, მის ქანდაკებასა და მისი სახელის რიცხვზე, მინის ზღვასთან იდგნენ ღვთის ქნარებით“ (გამოცხადება 15:2).

5. რას წარმოადგენს „მინის ზღვა, ცეცხლნარევი“?

⁵ „მინის ზღვა“ ის ზღვაა, რომელიც იოანემ ცოტა ხნით ადრე ღვთის ტახტის წინ იხილა (გამოცხადება 4:6). ის ჰგავს ჩამოსხმულ ზღვას (წყლის ავზს), რომელიც სოლომონის ტაძარში იდგა და საიდანაც მღვდლები წყალს იღებდნენ დასაბანად (1 მეფეები 7:23). ის წარმოადგენს ‘განსაბან წყალს’, ღვთის სიტყვას, რომლითაც იესო წმენდს ცხებულ მღვდელთა კრებას (ეფესოელები 5:25, 26; ებრაელები 10:22).

6. ა) ვინ არიან მინის ზღვის წინ მდგომი მომღერლები და საიდან ვიცით ეს? ბ) როგორ იმარჯვებენ ისინი?

⁶ ჩამოსხმული ზღვა, რომელიც სოლომონის ტაძარში იდგა, მღვდლებისთვის იყო, რაც იმაზე მეტყველებს, რომ ზეციერი მინის ზღვის წინ მდგომი მომღერლები სამღვდელოების წარმომადგენლები არიან.

7. როგორ იყენებდნენ ქნარს ძველ ისრაელში და რა განწყობას გვიქმნის „ღვთის ქნარები“?

⁷ ამ ერთგულ გამარჯვებულებს „ღვთის ქნარები“ უჭირავთ. ამით ისინი ჰგვანან ძველად ტაძარში მომსახურე ლევიანებს, რომლებიც ქნარების თანხლებით უმღეროდნენ იეჰოვას და თაყვანს სცემდნენ მას. ზოგიერთები ქნარების თანხლებით წინასწარმეტყველებდნენ (1 მატიანე 15:16; 25:1—3).