უმჯობესია, თითოეულ გაკვეთილზე ცალ-ცალკე იმუშაო. შეისწავლე შესაბამისი თავი ამ სახელმძღვანელოში. კარგი იქნება, მოცემული სავარჯიშოც გააკეთო. თუ ამ რჩევებს გაითვალისწინებ, კრებაში გამოსვლამდე უკვე კარგად დამუშავებული გექნება ეს გაკვეთილი. თანდათანობით კი სულ უფრო მეტს შეძლებ.

დავალების მომზადებამდე ყურადღებით წაიკითხე შენთვის მოცემული გაკვეთილი. კარგი იქნება მისი გამეორება მას შემდეგ, რაც მასალას რამდენჯერმე ხმამაღლა წაიკითხავ. ეცადე, მაქსიმალურად გამოიყენო გაკვეთილში მოცემული რჩევები.

ვიდრე აზრებს განალაგებ და დავალებას საბოლოო სახეს მისცემ, იმისთვისაც გამოყავი დრო, რომ წაიკითხო გაკვეთილი, რომელზეც მუშაობ. გაკვეთილში მოცემული რჩევების გამოყენება ერთ-ერთი ძირითადი მიზეზია, რის გამოც დავალება გაქვს მოცემული.