„თქვენს ორივე შვილს ლორენს-მუნ-ბიდლ-ბარდეს სინდრომიa აქვს და სამწუხაროდ, ამასთან შეგუება მოგიწევთ“, — მითხრა მშვიდად ექიმმა. იმ დროს თითქმის არაფერი იყო ცნობილი ამ გენეტიკური დაავადების შესახებ. ეს დაავადება იწვევს მხედველობის დაქვეითებას და სრულ სიბრმავეს, სიმსუქნეს, განუვითარებლობას, კოორდინაციის უნარის დაქვეითებას, შაქრიან დიაბეტს, ოსტეოართრიტსა და თირკმელების დაავადებას. დაავადების ერთ-ერთი გამოვლინება ზედა და ქვედა კიდურებზე ზედმეტი თითებია. მივხვდი, რომ საკმაოდ რთული იქნებოდა ჩემს შვილებზე ზრუნვა. დიდ ბრიტანეთში 125 000 -დან ერთს ეს დაავადება აქვს. თუმცა ბევრს მისი მსუბუქი ფორმა აღენიშნება.