ᲒᲐᲙᲕᲔᲗᲘᲚᲘ 11

ენთუზიაზმი

რომაელები 12:11

ᲛᲗᲐᲕᲐᲠᲘ ᲐᲖᲠᲘ: ილაპარაკე ენთუზიაზმით და მოქმედებისკენ აღძარი მსმენელი.

ᲠᲐ ᲣᲜᲓᲐ ᲒᲐᲐᲙᲔᲗᲝ:

ილაპარაკე მთელი გულით. მომზადების დროს იფიქრე იმაზე, რომ ხალხს მნიშვნელოვან ცნობას გადასცემ. იმდენად კარგად უნდა მოამზადო მასალა, რომ მთელი გულით გადმოსცე.
იფიქრე მსმენელზე. დაფიქრდი, რამდენად გამოადგება სხვებს ინფორმაცია, რომელსაც კითხულობ ან ასწავლი. ეცადე, ისე გადმოსცე, რომ მსმენელმა ნათლად დაინახოს მისი პრაქტიკული ღირებულება.
ცოცხლად გადმოეცი. ილაპარაკე ენთუზიაზმით. გრძნობები ბუნებრივი ჟესტიკულაციითა და სახის გამომეტყველებით გამოხატე.

შეეცადე, ერთი და იგივე ჟესტი ისე ხშირად არ გამოიყენო, რომ მსმენელს ყურადღება გაუფანტო. გამოიყენე აზრის შესაბამისი ჟესტიკულაცია. ენთუზიაზმით ილაპარაკე, განსაკუთრებით მაშინ, როცა მთავარ აზრს გადმოსცემ ან ცდილობ, მსმენელი მოქმედებისკენ აღძრა. ფრთხილად იყავი, რომ საუბრის განმავლობაში მეტისმეტი ენთუზიაზმით არ დაღალო მსმენელი.