Ĩmanyĩsye Kĩla kĩ Ndetonĩ ya Ngai

Mbivilia yĩ na ũvoo wa Ngai kwondũ witũ. Ĩtũtetheeasya kũmanya ũndũ tũtonya kwĩkala nesa na ũndũ tũtonya kũmwendeesya Ngai. O na ĩngĩ, nĩtũtetheeasya kũkwata mosũngĩo ma makũlyo aa maatĩĩe:

1 Ngai nũũ?
2 Ũtonya kwĩmanyĩsya ĩũlũ wa Ngai ata?
3 Mbivilia yaandĩkiwe nũũ?
4 Mbivilia nĩyĩtĩkĩlanĩte na maũndũ ma saenzi?
5 Nĩ ũvoo mwaũ wĩ Mbivilianĩ?
6 Nĩ maũndũ maũ Mbivilia yathanie ĩũlũ wa Masia?
7 Nĩ maũndũ maũ Mbivilia yathanie ĩũlũ wa ĩvinda yitũ?
8 Ngai nĩwe ũetae mathĩna?
9 Nĩkĩ andũ mathĩnaa?
10 Nĩ maũndũ maũ Mbivilia yathanĩte ĩũlũ wa ĩvinda yĩla yũkĩte?
11 Kwĩthĩawa ata ĩla mũndũ wakwʼa?
12 Twĩ na wĩkwatyo mwaũ kwondũ wa ala makwie?
13 Mbivilia yaĩtye ata ĩũlũ wa kũtethya wĩa?
14 Ũtonya kwĩka ata nĩ kana ũtũmĩe malĩ yaku nesa?
15 Ũtonya kwĩka ata nĩ kana wĩthĩwe na ũtanu?
16 Ũtonya kwĩka ata nĩ kana ũmĩanĩsye na mathĩna?
17 Mbivilia ĩtonya kũtetheesya mũsyĩ waku ata?
18 Ũtonya kwĩka ata nĩ kana ũmũthengeee Ngai?
19 Nĩ ũvoo mwaũ wĩ mavukunĩ me kĩvathũkanyʼo ma Mbivilia?
20 Ũtonya kwĩka ata ĩla ũũsoma Mbivilia nĩ kana ũtetheke mũno?

ŨNDŨ ŨTONYA KŨVUA MBIVILIA

Mbivilia yĩ na mavuku 66. Yaanĩtwʼe kũndũ kwĩlĩ: Maandĩko ma Kĩevelania na Kĩalamu (“Ũtianĩo Mũkũũ”) na Maandĩko ma Kĩkiliki (“Ũtianĩo Mweũ”). Kĩla ĩvuku ya Mbivilia yĩthĩawa na ilungu na mĩsoa. Ĩla ĩandĩko yoonanwʼa, namba ya mbee ĩla yĩthĩawa yĩandĩkĩtwe ĩtina wa ĩsyĩtwa ya ĩvuku yu yonanasya kĩlungu, na namba ila iatĩĩe syonanasya mĩsoa. Kwa ngelekanyʼo, Mwambĩlĩlyo 1:1 yonanasya ĩvuku ya Mwambĩlĩlyo kĩlungu kya 1, mũsoa wa 1.