Ndeto sya Mbee

Maũndũ 12 Matonya Kwaĩlya Mĩsyĩ

Ve maũndũ maingĩ mathũku twĩwʼaa ĩũlũ wa mĩsyĩ ĩla yĩsaa kũvalaanĩka. Ĩndĩ nĩ maũndũ meva ala matumĩte mĩsyĩ ĩmwe yaĩla?

• Katĩkatĩ wa mwaka wa 1990 na 2015, ũtalo wa andũ ala mathaisye mĩtwaano yoo me na myaka mbee wa 50 nthĩ ya Amelika nĩwongelekile kũndũ kwĩlĩ, nawʼo wa ala maĩ na myaka mbee wa 65 wongeleka kũndũ kũtatũ.

• Asyai mewʼaa me asaanĩsye: Asomi amwe mawetaa kana syana syaĩle kũkathwa kĩla ĩvinda, namo angĩ mayasya kana mũsyai aĩle kwĩthĩwa e mũkalĩ nĩ kana atetheesye syana syake.

• Andũ ma mũika mesaa kũtwʼĩka andũ aima matesĩ kĩla kĩtonya kũmatetheesya maĩle.

Ĩndĩ ũwʼo nĩ kana . . .

• Andũ no matanĩe mũtwaano mateũtaanĩsya.

• Asyai no memanyĩsye ũndũ matonya kũkanyʼa syana syoo na wendo.

• Andũ ma mũika no memanyĩsye maũndũ ala matonya kũmatetheesya matwʼĩka andũ aima.

Ũu ũtonyeka ata? Ĩkaseti yĩĩ ya Amkeni! nĩyĩneeneete maũndũ 12 matonya kwaĩlya mĩsyĩ.