Kava ya Ĩtina

MŨSYĨ nĨwʼo ngwatanĩo ĩla ngũũ vyũ ya andũ. Ĩndĩ ũmũnthĩ ngwatanĩo ĩsu yĩ mũisyonĩ. Nĩkĩ? Nũndũ andũ ma mũika nĩmethĩĩtwe maitũmĩa syĩndũ ta vangi, na mwĩkalĩle woo wĩthĩĩtwe wĩ mũvuku mũno. O na ĩngĩ, ũngʼendu nthĩnĩ wa mĩsyĩ nũendeee na kwongeleka na mĩtwaano mingĩ nĩendeee kũthawʼa, nayo mĩsyĩ ĩla yĩ na mũsyai ũmwe nĩendeee kwingĩva mũno. Mathĩna asu na angĩ maito nĩmatumaa andũ amwe mekũlya kana ngwatanĩo ĩsu ĩkaendeea kwĩthĩwa vo.

O na vailyĩ ũu, wʼo mũsyĩ nũtonya kwĩthĩwa ne vandũ vaseo andũ matonya kwĩwʼa me eanĩe, na me asũvĩĩku? Ĩĩ, ũu no ũtonyeke ethĩwa kĩla ũmwe nĩwĩsĩ nĩ kyaũ kĩtonya kũtuma mũsyĩ wĩthĩwa na ũtanu. Kũmanya kĩla kĩetae ũtanu nthĩnĩ wa mũsyĩ ti ũndũ wĩ vinya. Nĩkĩ? Nũndũ kwa myaka mingĩ andũ ala mamanyĩte kĩla kĩetae ũtanu ũsu, nĩmethĩawa na mĩsyĩ yĩ na ũtanu. Kyo nĩ kyaũ kĩetae ũtanu nthĩnĩ wa mũsyĩ? Ũsũngĩo wa ĩkũlyo yĩu twĩũkwata nthĩnĩ wa ĩvuku yĩĩ: Nĩ Kyaũ Kĩtonya Kũtuma Mũsyĩ Wĩthĩwa na Ũtanu? Ĩvukunĩ yĩĩ ve ngelekanyʼo nzeo ikwonanyʼa kana ĩla andũ mamanya kĩla kĩetae ũtanu nthĩnĩ wa mũsyĩ, ũu nũmatetheeasya kũmina mathĩna amwe manene. Vate nzika, vai mũndũ ũmũnthĩ ũtenda kũmanya kĩla kĩetae ũtanu nthĩnĩ wa mũsyĩ.