Iĩkĩĩaa Kyaũ?
NGŨSĨ SYA YEOVA iĩkĩĩaa Ngai Mwene Vinya Wʼonthe, Yeova, Mũmbi wa ĩtu na nthĩ. Syĩndũ sya ũsengyʼo ila twonaa kũũ nthĩ na yayayanĩ syonanasya kana kwĩ Mũmbi wĩna vinya na mũĩ mũno ũla watumie syĩthĩwa. O tondũ mawĩa ma aũme na aka monanasya ũthulĩ woo, no wʼo ma Yeova Ngai monanasya. Mbivilia ĩtũtavasya “syĩndũ syake ila itonekaa kuma nthĩ yoombwa nikwoneka nesa ikĩmanyĩka ũndũ wa ila syoombiwe.” Na ĩngĩ, “Matu nĩmatavanasya ũtheu mũtisu wa Ngai” vate ndeto kana wasya.—Alomi 1:20; Savuli 19:1-4.
Andũ mayũmbaa mbisũ kana kũseũvya televisenĩ kana kombyũta vate kĩeleelo. Nthĩ na syũmbe ila syĩ thayũ nthĩnĩ wayo ta mĩtĩ na nyamũ nĩ sya ũsengyʼo. Mwĩĩ witũ wũmbĩtwe na ngenyekenyi mbingĩ ũkethĩa tũitonya kũũmanya, ona wʼo wʼongo ũla twĩsilasya nawʼo tũitonya kũũmanya ũndũ ũilyĩ! Ethĩwa andũ methĩawa na kĩtumi kya syĩndũ ila maseũvasya ona kĩ kĩnini ata vainzika nake Yeova Ngai aĩ na kĩeleelo nthĩnĩ wa wũmbi wake waũsengyʼa! Nthimo 16:4 yaasya atĩĩ: “Yeova ũseũvĩtye kĩla kĩndũ na kĩtumi kyakyo.”
Yeova oombie nthĩ na kĩeleelo, tondũ watavisye andũ ma mbee ala elĩ: “Ongelekai, mwingĩve, musũsye nthĩ, na kũmĩkĩlya vinya; na ĩthĩwai na ũsumbĩko ĩũlũ wa makũyũ ma ũkanga, na ĩũlũ wa nyũnyi sya yayaya, na ĩũlũ wa kĩla kĩndũ kĩ thayũ kĩendaa ĩũlũ wa nthĩ.” (Mwambĩlĩlyo 1:28) Nũndũ wa kwĩthĩwa mate ewi, andũ asu elĩ mayaatonya kusũsya nthĩ na mĩsyĩ ya andũ alũngalu maũsũvĩa nthĩ na mĩtĩ na nyamũ. Kũemwa kwoo kũyaatuma kĩeleelo kyaYeova kĩlea kwĩanĩa. Myaka ngili siana ũna ĩtina wa vau nĩkwaandĩkiwe: “Ngai ũla watwʼĩkĩthisye nthĩ na kũmyũmba, . . . ndaamyũmba yĩ nthei, ũla wamyũmbie yĩthĩwe ya kũtũa andũ.” Yo ti ya kũka kwanangwa “ĩndĩ nthĩ nĩyĩkalaa tene na tene.” (Isaia 45:18; Mũtavanʼya 1:4) Kĩeleelo kya Yeova ĩũlũ wa nthĩ kĩkeanĩa: “Ũtao wakwa ũkaũngama na ngeeka kwenda kwakwa kwʼonthe.”—Isaia 46:10.
Nĩkyo kĩtumaa Ngũsĩ sya Yeova iĩkĩĩa kana nthĩ ĩkekala tene na tene na kana andũ ala me thayũ na ala akwʼũ, ala makaĩla kwosana na kĩeleelo kya Yeova kwa nthĩ mbanakavye, ĩtwĩe andũ no matonye kwĩkala nthĩnĩ wayo tene na tene. Andũ onthe nĩ matiĩwe naĩ nĩ Atamũ na Eva na kwa kĩtumi kĩu nĩmekaa naĩ. (Alomi 5:12) Mbivilia ĩtwĩaa: “Nũndũ ĩtuvi ya naĩ nĩ kĩkwʼũ.” “Nũndũ ala me thayũ mesĩ makakwʼa; ĩndĩ ala akwʼũ matyĩsĩ ũndũ o na wĩva.” “Mũndũ ũla wĩkaa naĩ akakwʼa.” (Alomi 6:23; Mũtavanʼya 9:5; Esekieli 18:4, 20) Matonya kwĩthĩwa me thayũ ĩngĩ ata na kũtanĩa maũathimo ala meĩthĩwa nthĩ? No kwĩsĩla nthembo ya wovosyo ya Klisto Yesũ nũndũ we aisye: “Ninyie ũthayũũkyo, na ninyie thayũ: ũla ũmbĩtĩkĩlaa, o na ethĩwa nũnũũkwʼa, akeethĩwa na thayũ.” “Ala me mbũanĩ makewʼa wasya wake, namo makauma.”—Yoana 5:28, 29; 11:25; Mathayo 20:28.
Ũndũ ũũ ũkeekĩka ata? Nũeleetwʼe nthĩnĩ wa “ũvoo mũseo wa ũsumbĩ” ũla Yesũ wambĩĩie kũtavanyʼa yĩla waĩ kũũ ĩũlũ wa nthĩ. (Mathayo 4:17-23) Ĩndĩ ũmũnthĩ Ngũsĩ sya Yeova nĩmeũtavanyʼa ũvoo mũseo kwa nzĩa yĩ mwanya.
[Kyati ĩthangũnĩ ya 13]
KĨLA NGŨSĨ SYA YEOVA IĨKĨĨAA
Mũĩkĩĩo Kĩtumi kya Kĩmaandĩko
Mbivilia nĩ Ndeto ya Ngai
na nĩyo wʼo
2 Tim. 3:16, 17; 2 Vet. 1:20, 21; Yoa. 17:17
Mbivilia nĩ yo ya kwĩkwatwʼa
kwĩ syĩthĩo
Syĩtwa ya Ngai nĩ Yeova
Sav. 83:18; Isa. 26:4; 42:8; Kuma 6:3
Klisto nĩ mwana wa Ngai na nĩ
mũnini kwĩ We
Mt. 3:17; Yoa. 8:42; 14:28; 20:17; 15:17; 1 Ako. 11:3; 15:28
Yesũ nĩ we wa mbee wũmbinĩ
wa Ngai
Yesũ akwie mũtĩnĩ, na ti
ngelanyʼonĩ
Thayũ wa Klisto nĩ waĩviwe
wĩthĩwe wovosyo kwa andũ ewʼi
Mt. 20:28; 1 Tim. 2:5, 6; 1 Vet. 2:24
Nthembo ĩmwe tũ ya Klisto
nĩ ya toisye
Klisto nĩ wathayũũkiwe kuma kwa
akwʼũ e mũndũ wa kĩĩveva
ũtatonya kũkwʼa
1 Vet. 3:18; Alo. 6:9; Ũvu. 1:17, 18
Kũka kwa Yesũ nĩ kwa kĩĩveva
Yoa. 14:19; Mt. 24:3; 2 Ako. 5:16; Sav. 110:1, 2
Yuyu twĩ ‘mĩthenyanĩ ya
mũmĩnũkĩlyo’
Mt. 24:3-14; 2 Tim. 3:1-5; Lk. 17:26-30
Ũsumbĩ ũla ũkembwa ungu wa
Yesũ ũkasumbĩka nthĩ kwa
ũlũngalu na mũuo
Isa. 9:6, 7; 11:1-5; Nda. 7:13, 14; Mt. 6:10
Ũsumbĩ ũsu ũkaete mĩkalĩle
mĩseo vyũ kũũ nthĩ
Sav. 72:1-4; Ũvu. 7:9, 10, 13-17; 21:3, 4
Nthĩ ndĩkanangwa nongi kana
andũ kũvetangwa vo
Mũta. 1:4; Isa. 45:18; Sav. 78:69
Walanyʼo wa maũndũ ũla wĩvo
Ngai akaũvetanga kaũnĩwa
Alĩ-maketoni Ũvu. 16:14, 16; Nzev. 3:8; Nda. 2:44; Isa. 34:2; 55:10, 11
Andũ ala athũkũ makaanangwa
tene na tene
2 Ath. 1:6-9; Sav. 37:38
Ala metĩkĩlĩtwe nĩ Ngai makakwata
thayũ wa tene na tene
Yoa. 3:16; 10:27, 28; 17:3; Mko. 10:29, 30
Kwĩ nzĩa ya thayũ o
ĩmwe tũ
Andũ makusaa nũndũ wa naĩ
ya Atamu
Ĩvinda ya kĩkwʼũ kya mũndũ thayũ
wake nũthelaa
Esek. 18:4; Mũta. 9:10; Sav. 6:5; 146:4; Yoa. 11:11-14
Seoli nĩ mbũa o ĩla ĩthikawa
andũ
Yovu 14:13; Ũvu. 20:13, 14
Wĩkwatyo wa ala akwʼũ nĩ
ũthayũũkyo
1 Ako. 15:20-22; Yoa. 5:28, 29; 11:25, 26
Kĩkwũ kĩla kyaumanie na Atamu
kĩkathela
1 Ako. 15:26, 54; Ũvu. 21:4; Isa. 25:8
Mũĩkĩĩo Kĩtumi kya Kĩmaandĩko
No ĩĩthya ĩnini ya andũ 144,000
makathi ĩtunĩ makasumbĩke
na Klisto
Lk. 12:32; Ũvu. 14:1, 3; 1 Ako. 15:40-53; Ũvu. 5:9, 10
Ala 144,000 masyaawa ĩngĩ maka-
twʼĩka syana sya kĩĩveva sya Ngai 1 Vet. 1:23; Yoa. 3:3; Ũvu. 7:3, 4
Ũtianĩo mweũ weekiwe na Aisilaeli
ma kĩĩveva
Yel. 31:31; Aevl. 8:10-13
Kĩkundi kya Klisto kyakĩtwe
ĩũlũ wake
Aev. 2:20; Isa. 28:16; Mt. 21:42
Mboya syaĩlĩte kwelekelwʼa kũla kwĩ
Yeova weka kwĩsĩla kwa Klisto
Mĩvwʼanano ndyaĩlĩte kũtũmĩwa
ũthaithinĩ
Kuma 20:4, 5: Ali. 26:1; 1 Ako. 10:14; Sav. 115:4-8
No ngĩnya ũwe na ũoi syĩvathanwe
nasyo
Kũt. 18:10-12; Aka. 5:19-21; Ali. 19:31
Satani nĩwe mũsumbĩ ũtonekaa
wa nthĩ
1 Yoa. 5:19; 2 Ako. 4:4; Yoa. 12:31
Mũklisto ndena kĩanda nthĩnĩ
wa ngwatanĩo na mũvulano
wa ũthaithi
2 Ako. 6:14-17; 11:13-15; Aka. 5:9; Kũt. 7:1-5
Mũklisto no nginya evathane
na nthĩ
Yak. 4:4; 1 Yoa. 2:15; Yoa. 15:19; 17:16
Mewʼaa mĩao ya silikalĩ ĩla ĩteũleana
na ya Ngai
Mt. 22:20, 21; 1 Vet. 2:12; 4:15
Kwĩkĩa nthakame mwĩĩnĩ kwa kũya
kana kwĩsĩla mĩkivanĩ nĩ kũtũla-
mĩao ya Ngai
Mwa. 9:3, 4; Ali. 17:14; Meko 15:28, 29
Mĩao ya Mbivilia mĩkalĩlenĩ myaĩlu
no nginya yĩatĩĩwe
1 Ako. 6:9, 10; Aevl. 13:4; 1 Tim. 3:2; Nth. 5:1-23
Ũkwati wa Savato wanengiwe Aisi-
laeli oka na nĩ wathelile vamwe
na Mĩao ya Mose
Kũt. 5:15; Kuma 31:13; Alo. 10:4; Aka. 4:9, 10; Ako. 2:16, 17
Ivĩla sya ũtongoi wa kĩĩndĩni na
masyĩtwa ma mwanya mayaĩle
Mt. 23:8-12; 20:25-27; Yovu 32:21, 22
Mũndũ ndaalyũka kavola kavola
ĩndĩ eekie kũmbwa Isa. 45:12; Mwa. 1:27; Mt. 19:4
Klisto aiie ngelekanyʼo ĩla no
ngĩnya ĩatĩĩwe nthĩnĩ wa
ũmũthũkũma Ngai
1 Vet. 2:21; Aevl. 10:7; Yoa. 4:34; 6:38
Ũvatiso wa kũindwa vyũ
wonanasya wĩyumyo
Mko. 1:9, 10; Yoa. 3:23; Meko 19:4, 5
Aklisto nĩ matanĩaa kũmya ũkũsĩ
wa ũwʼo wa Maandiko ũtheinĩ
Alo. 10:10; Aevl. 13:15; Isa. 43:10-12
[Visa ĩthangũnĩ ya 12]
NTHĨ . . yoombiwe nĩ Yeova . . . ĩsũvĩwe nĩ mũndũ . . . ĩtũawe tene na tene