We Ũkeeka Kwenda kwa Yeova?

Nĩ mũvea kwondũ wa kwosa mwanya wa kũsoma kavuku kaa nĩ kana ũmanye Ngũsĩ sya Yeova, ũmanye maũndũ ala twĩkaa, na ũyona ũndũ ũseũvyo witũ ũtethasya wĩa. Twĩĩkwatya nĩkakũtetheesya kũmanya kana nithyĩ twĩkaa kwenda kwa Yeova ũmũnthĩ. Twĩkwĩkĩa vinya ũendee kũkwata ũmanyi ĩũlũ wa Ngai, ũtavye andũ maku ma mũsyĩ na anyanyau maũndũ ala ũkwĩmanyĩsya, na ũyũmbana kĩla ĩvinda vamwe naitũ maũmbanonĩ maitũ ma Kĩklĩsto. —Aevelania 10:23-25.

Ũkeethĩa o ũndũ ũkũendeea kwĩmanyĩsya ĩũlũ wa Yeova, nowʼo ũkaendeea kwona ũndũ we ũkwendete. Ũu ũkakwĩkĩa vinya wĩke ũndũ ũtonya nĩ kana o naku wonanyʼe nũmwendete. (1 Yoana 4:8-10, 19) Ĩndĩ ũtonya kwonanyʼa ata kana nũmwendete Yeova thayũnĩ waku? Nĩkĩ nũtethekaa kwa kũatĩĩa myolooto yake ĩũlũ wa mwĩkalĩle? Na nĩ kyaũ kĩkaũtetheesya wende kwĩka kwenda kwa Ngai vamwe naitũ? Mũmanyĩsya waku wa Mbivilia akendeewʼa nĩkũũtetheesya ũkwate mosũngĩo nĩ kana we vamwe na mũsyĩ waku ‘mwĩyĩkalye ene wendonĩ wa Ngai, kũvika thayũ ũtathela.’​—Yuta 21.

Nĩtũũkũthokya kwa ũtanu ũendee kwĩka maendeeo nthĩnĩ wa kũmanya ũla wʼo kwa kwĩmanyĩsya ĩvuku yĩĩ . . . “Jitunzeni Katika Upendo wa Mungu.”