Ũmyonaa Ata Mbivilia?
Ũmyonaa ta . . .
ĩvuku yĩandĩkĩtwe nĩ andũ matũmĩĩte ũĩ woo?
ĩvuku ya mbano na ngewa sya tene?
kana ũmyonaa ta Ndeto ya Ngai?
MBIVILIA YAĨTYE ATA?
“Kĩla Ũandĩko nĩwaveveewe nĩ Ngai.”—2 Timotheo 3:16, The Bible in Kikamba, 1974.
ŨTONYA ŨKWATA MOATHIMO MAŨ WAĨKĨĨA KANA NDETO YA NGAI NĨMBEVEEE?
Nũkwataa mosũngĩo maseo ma makũlyo ala ma vata thayũnĩ.—Nthimo 2:1-5.
Nũkwataa ũtao mũseo wa kũũtongoesya maũndũnĩ maku ma kĩla mũthenya.—Savuli 119:105.
Nũtonya kwĩthĩwa na wĩkwatyo mũlũmu ki wa ĩvinda yĩla yũkĩte.—Alomi 15:4.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩĩ, nũndũ wa itumi ta itatũ:
Yĩ wĩwʼano wa ũsengyʼo. Mbivilia yaandĩkiwe nĩ andũ me kĩvathũkanyʼo ta 40. Mamĩandĩkie kwa myaka mbee wa 1,600. Aingĩ moo o na mayeesene. Ĩndĩ, Mbivilia yonthe yĩ wĩwʼano na ĩneeneaa kyongo o kĩmwe kĩnene!
Aandĩki mayo maĩ aĩkĩĩku. Mavinda maingĩ aandĩki ma mavuku nĩmavithaa mawonzu ma andũ moo. Ĩndĩ, aandĩki ma Mbivilia nĩmawetete ũtheinĩ wonzu woo ene na wa nthĩ yoo.—2 Mavinda 36:15, 16; Savuli 51:1-4.
Wathani wayo nĩ wa wʼo. Mbivilia nĩyathanie kwanangwa kwa mũsyĩ wa Mbaviloni myaka ta 200 mbeewanangĩko ũsu. (Isaia 13:17-22) Nĩyoonanisye ũndũ Mbaviloni yĩanangwa, o na yaweta ĩsyĩtwa ya ũla wĩmyananga!—Isaia 45:1-3.
Mawathani angĩ maingĩ nĩmeanĩie, o na kũvikĩa tũmaũndũ tũla tũnini vyũ. Na vate nzika, ũu nĩwʼo Ndeto ya Ngai yaĩle kwĩthĩwa ĩilyĩ.—2 Vetelo 1:21.
KWASŨANĨA ĨKŨLYO YĨĨ
Ndeto ya Ngai ĩtonya kũũtetheesya ata wĩkale nesa?
Mbivilia nĩsũngĩĩte ĩkũlyo yĩu ĩandĩkonĩ ya ISAIA 48:17, 18 na ya 2 TIMOTHEO 3:16, 17.