Nĩ Kyaũ Kĩtonya Kũtuma Mũsyĩ Wĩthĩwa na Ũtanu?

MBIVILIA YAĨTYE ATA?

“Nĩ aathime mbee, ala mewʼaa ndeto ya Ngai, makĩmĩkwata.”​—⁠Luka 11:​28, The Bible in Kikamba, 1974.

KWĨWʼA NA KŨKWATA NDETO YA NGAI NĨKŨTONYA ŨKŨTETHEESYA

Kwĩthĩwa na wendo wa wʼo. ​—⁠Aeveso 5:​28, 29.

Kwĩthĩwa na ndaĩa ya wʼo.​—⁠Aeveso 5:​33.

Kwĩthĩwa na mũuo.​—⁠Maliko 10:​6-9.

NĨTŨTONYA KŨĨKĨĨA ŨNDŨ MBIVILIA YAĨTYE?

Ĩĩ, nũndũ wa itumi ta ilĩ:

• Ngai nĩwe Mwambĩlĩlya wa mũsyĩ. Mbivilia yaĩtye kana Ngai nĩwe wambĩlĩlye mũsyĩ. (Mwambĩlĩlyo 2:​18-24) Ũu nĩ kwasya mũsyĩ wĩthĩawa vo nũndũ Yeova nĩwawambĩlĩlye. Nĩkĩ ũsu nĩ ũndũ wa vata?

  Kwasũanĩa wĩya lĩu wĩ mũyo mũno na nũenda kũmanya ũuiwe ata, we ũkũlya ũũ? Vate nzika ũkũlya mũui.

  O ta ũu, nĩ kana ũmanye maũndũ ala mendekaa nĩ kana mũsyĩ wĩthĩwe na ũtanu, nĩwaĩle kũmwĩthukĩĩsya Yeova, Mwambĩlĩlya wa mũsyĩ.

• Ngai nũkũsũvĩaa. Nthĩnĩ wa mũsyĩ andũ nĩmaĩle kũmantha ũtao wa Yeova, ũla ũtũnengete kwĩsĩla Ndeto yake. Nĩkĩ? “Nũndũ nĩwe ũmũsũvĩaa.” (1 Vetelo 5:​6, 7) Yeova nũkũthĩnĩkĩaa, na mavinda onthe ũtao wake nũtethasya!​—⁠Nthimo 3:​5, 6; Isaia 48:⁠17, 18.