Kĩmanyĩthya kwa Asyai

Nĩ mũthĩnzĩo wĩva mũseo vyũ ũtonya kũnenga syana syaku? Syana nĩsyendaa asyai maianĩsye maũndũ maingĩ. Kwa ngelekanyʼo, nĩsyendaa kwendwa, kũtongoewʼa, na kũsũvĩwa. Ĩndĩ mũthĩnzĩo ũla wa vata vyũ mũsyai ũtonya kũnenga syana syake nĩ kũimanyĩsya ĩũlũ wa Yeova na ĩũlũ wa ũwʼo ũla wĩ Ndetonĩ yake, Mbivilia. (Yoana 17:3) Ũmanyi ũsu nũtonya kũtetheesya syana syaku imwende Yeova na kũmũthũkũma kwa ngoo yonthe, o na kuma syĩ nini.—Mathayo 21:16.

Asyai aingĩ nĩmonete kana syana nini nĩsyendeeawʼa mũno ĩla matũmĩa ĩvinda ĩkuvĩ kũimanyĩsya kana kwĩka maũndũ vamwe nasyo. Kwoou, twĩ na ũtanu kumya kavuku kaa ke na kyongo, Kavuku Kakwa ka Kwĩmanyĩsya Mbivilia. Nthĩnĩ wa kĩla ĩsomo kana keendeka kemanyĩsye ũndũ mũna kwa nzĩa laisi. Kĩeleelo kya mavisa na maelesyo ala me vo nĩ kũtetheesya mũno mũno syana ila syĩ na ũkũũ wa myaka ĩtatũ na kũtheea. Maũndũ ala ũtonya kwĩka vamwe na kana kaku nĩmonanĩtwʼe vo. Kavuku kaa kaiseũvĩtwʼe kethĩwe kĩndũ kya kũthaũka na syana. Ĩndĩ kaseũvĩtwʼe nĩ kana ũkasome vamwe na syana syaku, na kaiũtetheesya wĩthĩwe ũtonya kũea ngewa nesa vamwe nasyo.

Twĩ na mũĩkĩĩo kana kavuku kaa nĩkeũkũtetheesya kũmanyĩsya syana syaku ũwʼo wa Mbivilia ‘kuma syĩ nini.’—2 Timotheo 3:14, 15.

Ana-a-asa menyu,

Nzama Ĩla Ĩtongoesye ya Ngũsĩ sya Yeova

[Visa ĩthangũnĩ ya page 3]