Ndeto sya Kũminĩĩa

Nũũlilikana ũndũ watanĩaa kwĩthĩwa vamwe na andũ ma Yeova? Kwa ngelekanyʼo, nũũlilikana ũmbano wa kĩkundi kana ũmbano mũnene wakwĩkĩie vinya? O na ĩngĩ, no ũlilikane ũndũ mũseo weeyoneie ũitavanyʼa, kana ũndũ mũseo wakwaka waneeneie vamwe na mwana-a-asa kana mwĩĩtu-a-asa? Ndwaaũlwa nĩ Yeova, o nake ndaaũlwa nue. Yeova nũlilikene nesa ũndũ wamũthaithaa wĩ mũĩkĩĩku. Na nĩwĩyũmbanĩtye kũũtetheesya ũmũsyokee.

Yeova easya atĩĩ: “Nyie, ngakũlĩĩlya malondu makwa, na kũmamantha. O tondũ mũĩthi ũmanthaa ndĩthya yake mũthenya ũla wĩ katĩ wa malondu make ala manyaĩĩku, nowʼo ngamantha malondu makwa; ngamaumya kũndũ kwʼonthe kũla manyaĩĩkĩtwʼe.”​—⁠Esekieli 34:​11, 12.