Wasya wa Ngoo
Nĩ kyaũ kyonanasya kana Yeova nũnengete andũ onthe wasya wa ngoo?
O na ĩngĩ sisya 2Ko 4:2
Wasya wa ngoo ũtonya kũkwatwa nĩ kyaũ mũndũ aendeea kwĩka maũndũ mathũku?
No twasye twĩ na ũthasyo wa kwĩka ũndũ mũna no ũndũ wa kwĩthĩwa tũĩkĩĩe vyũ kana nĩwaĩle?
Ngewa syĩ Mbivilianĩ itonya kũũtethya:
2Mav 18:1-3; 19:1, 2—Mũsumbĩ Yeosavati nĩwakaniwʼe nĩ Yeova nũndũ wa kũtetheesya Mũsumbĩ Aavu, ũla waĩ mũthũku
Mek 22:19, 20; 26:9-11—Mũtũmwa Vaulo nĩwaeleisye ũndũ mbeenĩ wasũanĩaa ta ũkwĩka kĩla kyaĩle yĩla wathĩnasya na kũaa aatĩĩi ma Klĩsto
Wasya wa ngoo ũtonya kũmanyĩwʼa nesa ata?
Ngewa yĩ Mbivilianĩ itonya kũũtethya:
1Sa 24:2-7—Wasya wa ngoo wa Mũsumbĩ Ndaviti nĩwamũtetheeisye ndakamwĩke ũndũ mũthũku Mũsumbĩ Saulo, ũla waĩ mwĩtĩkĩwʼa mauta wa Yeova
Nũndũ andũ nĩ ene naĩ, vatonyeka ata makethĩwa na wasya mũtheu wa ngoo mbee wa Ngai?
Aev 1:7; Avl 9:14; 1Vt 3:21; 1Yo 1:7, 9; 2:1, 2
O na ĩngĩ sisya Ũvu 1:5
Ngewa syĩ Mbivilianĩ itonya kũũtethya:
Isa 6:1-8—Yeova nĩwamũĩkĩĩthisye mwathani Isaia kana no amũekee naĩ syake
Ũvu 7:9-14—Nthembo ya Klĩsto nĩtetheesye ala ma ĩkomano ĩnene makatwʼĩka anyanya ma Yeova
Nĩkĩ tũtaĩle kũvũthĩĩsya wasya witũ wa ngoo ethĩwa nũmanyĩĩtwʼe nesa nĩ Ndeto ya Ngai?
Mek 24:15, 16; 1Ti 1:5, 6, 19; 1Vt 3:16
O na ĩngĩ sisya Alo 13:5
Ngewa syĩ Mbivilianĩ itonya kũũtethya:
Mwa 2:25; 3:6-13—Atamu na Eva nĩmavũthĩĩisye wasya woo wa ngoo, na kĩu kyatuma makwatwa nĩ nthoni nũndũ wa kũlea kũmwĩwʼa Ngai
Nee 5:1-13—Ngavana Neemia nĩwathangaaisye Ayuti matũmĩe nesa wasya woo wa ngoo nũndũ nĩmavũthĩĩasya mĩao ya Ngai na nĩmatandĩthasya ũsyao mwingĩ yĩla makovethya angĩ mbesa