Yesũ Klĩsto
Yeova atũmĩĩte Yesũ ata kwa nzĩa ya mwanya kwĩanĩsya ieleelo syake?
Mek 4:12; 10:43; 2Ko 1:20; Avi 2:9, 10
O na ĩngĩ sisya Nth 8:22, 23, 30, 31; Yoa 1:10; Ũvu 3:14
Ngewa syĩ Mbivilianĩ itonya kũũtethya:
Mt 16:13-17—Mũtũmwa Vetelo nĩwawetie kana Yesũ nĩwe Klĩsto na nĩ Mwana wa Ngai
Mt 17:1-9—Mũvwʼano wa Yesũ nĩwaalyũkile e mbee wa atũmwa make atatũ na Yeova aneena ĩũlũ wa Mwana wake kuma ĩtunĩ
Nĩkĩ Yesũ waĩ wa mwanya mũno kwĩ andũ onthe?
Yoa 8:58; 14:9, 10; Ako 1:15-17; 1Vt 2:22
Ngewa syĩ Mbivilianĩ itonya kũũtethya:
Mt 21:1-9—Yĩla Yesũ walikile Yelusaleme akuĩtwe nĩ ĩngʼoi, nĩweanĩisye wathani ũla wakonetye Masia, ũla wanyuvĩtwe nĩ Yeova atwʼĩke Mũsumbĩ
Avl 7:26-28—Mũtũmwa Vaulo nĩwaeleisye kana Yesũ nĩ Mũthembi Mũnene wĩ na ũkũmũ mũnenange na wĩ kĩvathũkanyʼo vyũ na ala meethĩĩtwe me athembi anene
Syama ila Yesũ weekie itũmanyĩasya kyaũ ĩũlũ wake na Ĩthe wake?
Ngewa syĩ Mbivilianĩ itonya kũũtethya:
Mt 4:23, 24—Yesũ nĩwoonanisye kana e vinya mwingĩ kwĩ ndaimoni na e na ũtonyi wa kũvosya mĩthemba yonthe ya mowau na mawonzu ma mwĩĩ
Mt 14:15-21—Yesũ nĩwaĩthisye andũ ngili kauta maĩ na nzaa kwa nzĩa ya kyama atũmĩĩte o mĩkate ĩtano na makũyũ elĩ
Mt 17:24-27—Yesũ nĩweekie kyama akwata mbesa sya kũkwata mbau ũthaithi wa Yeova na asiĩĩa angĩ maikalulutĩke
Mko 1:40, 41—Yesũ nĩwamwĩwʼĩie tei mũndũ ũmwe waĩ na ũwau wa mangũ, na nũndũ wa ũu amũvosya. Kĩu nĩkyonanasya ũndũ wĩthĩawa na wendi wa kuma ngoonĩ wa kũvosya awau
Mko 4:36-41—Yesũ nĩwakanisye kĩuutani kyaĩ na vinya kyausya, na kĩu kĩonanyʼa kana Ĩthe wake nũmũnengete ũkũmũ mũnene o na ĩũlũ wa mĩisyo ĩla ĩtaetawe nĩ mũndũ
Yoa 11:11-15, 31-45—Yesũ nĩwaĩie yĩla Lasalo, ũla waĩ mũnyanyae, wakwie. Ĩtina nĩwamũthayũũkisye, na ngewa ĩsu nĩvuanasya ũndũ ũmenete kĩkwʼũ kana kwona andũ maithĩna nũndũ wakyo
Ũndũ ũla mũnene Yesũ wamanyĩasya nĩ wĩva?
Nĩ nguma imwe syĩva nzeo Yesũ woonanisye yĩla waĩ vaa ĩũlũ wa nthĩ? Nĩwoonanisye kana . . .
E ĩnee na tei—Mko 5:25-34; Luk 7:11-15
E ũkũmbaũ—Mt 4:2-11; Yoa 2:13-17; 18:1-6
E ũnyanya—Mt 13:2; Mko 10:13-16; Luk 7:36-50
E wendo—Yoa 13:1; 14:31; 15:13; 1Yo 3:16
E wĩnyivyo—Mt 11:29; 20:28; Yoa 13:1-5; Avi 2:7, 8
Nĩ mũĩ—Mt 12:42; 13:54; Ako 2:3
Nĩ mwĩwi—Luk 2:40, 51, 52; Avl 5:8
Nĩkĩ Yesũ weeyumisye akwʼe, na tũtethekaa ata nũndũ wa kĩu weekie?
Nĩkĩ tũtanaa kũmanya kana Yesũ Klĩsto nĩ Mũsumbĩ ĩtunĩ?
Sav 72:12-14; Nda 2:44; 7:13, 14; Ũvu 12:9, 10
Ngewa syĩ Mbivilianĩ itonya kũũtethya:
Sav 45:2-7, 16, 17—Savuli ĩno yonanĩtye kana Mũsumbĩ ũla Yeova ũnyuvĩte aĩ asinde amaitha make onthe na aisumbĩka e Mũsumbĩ wĩ wĩnyivyo, na ũtongoeawʼa nĩ ũwʼo na ũlũngalu
Isa 11:1-10—Yĩla Yesũ ũkasumbĩka, nthĩ yonthe ĩkeethĩwa yĩ ũtũo mũseo usũĩtwe nĩ mũuo