Ũkũũ; Ala Akũũ
Nĩ kyaũ kĩkĩkaa yĩla twaambĩĩa kũkũa?
Sav 71:9; 90:10
O na ĩngĩ sisya “Ũkiakisyo—Kwĩthĩwa tũtatonya kwĩanĩsya maũndũ maingĩ nũndũ wa ũwau kana ũkũũ”
Ngewa yĩ Mbivilianĩ ĩtonya kũũtethya:
Mũta 12:1-8—Mũsumbĩ Solomoni nĩwatilile wathi ũeleetye mawonzu amwe maetawe nĩ ũkũũ ta kwasya ũtonyi wa kwona (“ala mesyaĩlya mbũthinĩ makethĩwa na kĩvindu”) na kwasya ũtonyi wa kwĩwʼa (“eĩtu onthe ma kwina makatheewʼa vyũ”)
Mo ala akũũ no maendeee kwĩthĩwa me atanu o na kau me na mathĩna maingĩ ala mokanasya na ũkũũ?
Ngewa syĩ Mbivilianĩ itonya kũũtethya:
1Sa 12:2, 23—Mwathani Samueli e mũkũũ nĩweesĩ kana waĩ ũndũ wa vata mũno aendeee kũvoyea andũ ma Yeova
2Sa 19:31-39—Mũsumbĩ Ndaviti nĩwatanĩthiwʼe mũno nĩ ũĩkĩĩku wa mũndũũme waĩ mũkũũ weetawa Mbalisilai; nake Mbalisilai anengwa kĩanda ũtatonya, nĩweetĩkĩlile enyivĩtye kana ũkũũ wake ndũũmwĩtĩkĩlya kwĩanĩsya kĩanda kĩu
Sav 71:9, 18—Ĩvinda yĩmwe Mũsumbĩ Ndaviti nĩwathĩnĩkaa ayona ta ũkwoneka ate wa vata nũndũ nĩ mũkũũ. Nũndũ wa ũu, nĩwamũvoyie Yeova aendeee kũmũtũmĩa na aimũnenga vinya amanyĩsye nzyawa ila syaĩ ĩtina wake ĩũlũ wa Yeova
Luk 2:36-38—Mwathani mũndũ mũka waĩ ndiwa na waĩ mũkũũ, ũla weetawa Ana, nĩwaathimiwe nũndũ wa kũendeea kũmũthũkũma Yeova e mũĩkĩĩku
Yeova aĩkĩĩthĩtye ala akũũ ata kana nũmonaa me ma vata?
Sav 92:12-14; Nth 16:31; 20:29; Isa 46:4; Tit 2:2-5
Ngewa syĩ Mbivilianĩ itonya kũũtethya:
Mwa 12:1-4—Avalaamu e na myaka 75, Yeova nĩwamũnengie kĩanda kĩito kyatumie maũndũ make maalyũka vyũ
Nda 10:11, 19; 12:13—Mũlaĩka nĩwamũthokeie mwathani Ndanieli e na myaka 90 na kĩndũ, na amũelesya kana aĩ wa vata mũno kwa Yeova na akaathimwa nũndũ wa ũĩkĩĩku wake
Luk 1:5-13—Yeova nĩwaathimie Nzekalia na Elisavethi me akũũ yĩla wamatonyethisye kũsyaa Yoana, mwana woo, o na kau maĩ mavĩtũkĩtye myaka ya kũsyaa
Luk 2:25-35—Yeova nĩwanengie mũndũũme mũkũũ weetawa Simeoni mwanya wa kwona kana kala kaĩ katwʼĩke Masia, na Simeoni nĩwaveveeiwe aathana ũndũ wa vata ĩũlũ wako
Mek 7:23, 30-36—Mwathani Mose aĩ na myaka 80 yĩla Yeova wamũnengie kĩanda kya kũtongoesya Isilaeli
Andũ ala akũũ na methĩĩtwe me aĩkĩĩku maĩlĩte kũkuwa ata?
Ngewa syĩ Mbivilianĩ itonya kũũtethya:
Mwa 45:9-11; 47:12 —Yosevu nĩwatũmanie ĩthe wake, Yakovo, aetwe vala ũĩ, na amũsũvĩa nginya yĩla wakwie
Lu 1:14-17; 2:2, 17, 18, 23—Luthi nĩwamũtetheeisye Naomi, ũla waĩ mũkũũ, kwa ndeto na meko
Yoa 19:26, 27—Yesũ e mũtĩnĩ wa mathĩna akilyĩ kũkwʼa nĩwanengie mũtũmwa Yoana, ũla wamwendete mũno, kĩanda kya kũsũvĩa inyia wake