Ũthaithi
Nũũ e weka waĩlĩte kũthaithwa?
Kuma 34:14; Kũt 5:8-10; Isa 42:8
Ngewa syĩ Mbivilianĩ itonya kũũtethya:
Mt 4:8-10—Satani eeie Yesũ kana amũtulĩlya ndu na aimũthaitha nũkũmũnenga mosumbĩ onthe ma nthĩ, ĩndĩ Yesũ nĩwaleile nũndũ nĩwatwʼĩte kũmũthaitha Yeova e weka
Ũvu 19:9, 10—Mũlaĩka waĩ na vinya nĩwaleile kũthaithwa nĩ mũtũmwa Yoana
Yeova endaa tũmũthaithe ata?
Ngewa syĩ Mbivilianĩ itonya kũũtethya:
Isa 1:10-17—Yeova nũleaa na nũmenete ũthaithi wĩ na wanganganyʼa wa andũ ala matekalaa kwosana na myolooto yake
Mt 15:1-11—Yesũ nĩwoonanisye kana Yeova ndendaa tũmũthaithe tũtongoewʼe nĩ syĩthĩo sya andũ nũndũ ikumasya mĩao ya andũ vandũ va mĩao ya Ngai
Twaĩle kũmũthaitha Yeova twĩ vamwe naaũ ethĩwa nĩvatonyeka?
O na ĩngĩ sisya Sav 133:1-3
Ngewa syĩ Mbivilianĩ itonya kũũtethya:
Mek 2:40-42—Ĩvindanĩ ya atũmwa, Aklĩsto nĩmombanaa vamwe nĩ kana mamũvoye Ngai, matũmĩe ĩvinda me vamwe na mayĩmanyĩsya Maandĩko
1Ko 14:26-40—Mũtũmwa Vaulo nĩwakũlilye ana-a-asa mekae maũmbano ma kĩkundi kwa mũvango nĩ kana onthe maelewe nĩ maũndũ ala meũmanyĩwʼa na mayĩkĩwa vinya
Twaĩle kwĩka ata nĩ kana Yeova etĩkĩle ũthaithi witũ?
Ngewa syĩ Mbivilianĩ itonya kũũtethya:
Avl 11:6—Mũtũmwa Vaulo nĩwaeleisye kana mũĩkĩĩo witũ nĩ wa vata nĩ kana Yeova etĩkĩle ũthaithi witũ
Yak 2:14-17, 24-26—Yakovo, mwana-a-inyia wa Yesũ, nĩwaeleisye kana no nginya mũĩkĩĩo witũ wĩthĩwe na meko, na mũĩkĩĩo ũsu nĩwʼo ũtumaa twosa matambya mana thayũnĩ