Ũndũ ũtonya kũtetheka nĩ masomo aa ma Mbivilia
Kũlya mũndũ aũmanyĩsye: Neena na ũmwe wa Ngũsĩ sya Yeova aũtetheesye kwĩmanyĩsya Mbivilia, kana usũsye vomu ĩla yĩ nthĩnĩ wa jw.org/kam.
KĨLUNGU KYA MBEE
Somai kĩla kalungu, o vamwe na makũlyo ala maandĩkĩtwe na langi mũkwatu (A) na maandĩko (B) ala makindĩlĩĩle maũndũ ala manene. Lilikana kana maandĩko amwe maandĩkĩtwe “soma.”
KĨLUNGU KYA KATĨ
Sendenzi ya mbee (C) ungu wa kyongo Ĩmanyĩsye Mũnango, yonanĩtye maũndũ ala ũkwĩmanyĩsya kĩlungunĩ kĩu. Twongo tũnini (D) tumĩlĩtye maũndũ ala manene. Somai maandĩko, sũngĩai makũlyo, na mũyĩloela vitio (E).
Sisyai visa nesa, na maelesyo masyo (F), na ũisũanĩa ũndũ ũtonya kũsũngĩa ĩkũlyo yĩla yĩ ungu wa Andũ Amwe Maasya (G).
KĨLUNGU KYA MŨTHYA
Ĩsomo yĩminĩĩe na Kĩla Tweemanyĩsya na Makũlyo ma Kũsyokeleela (H). Andĩka matukũ ala waminie kwĩmanyĩsya kĩla ĩsomo. Ungu wa kyongo Ũndũ wa Kwĩka (I), ve ũndũ wa kũthũkũmĩa nĩ kana ũendeee kwĩmanyĩsya. Na ungu wa kyongo Maũndũ Angĩ ma Kwĩmanyĩsya (J), nũkwĩthĩa ũvoo ũngĩ ũtonya kũsoma kana vitio ũtonya kwĩloela.
Ũndũ ũtonya kũkwata mĩsoa ya Mbivilia
Maandĩko monanĩtwʼe na ĩsyĩtwa ya ĩvuku ya Mbivilia (A), kĩlungu (B), na mũsoa kana mĩsoa (C). Kwa ngelekanyʼo, Yoana 17:3 yĩonanyʼa kana waĩle kũvua ĩvuku ya Yoana, kĩlungu kya 17, na mũsoa wa 3.