Vitio Mashahidi wa Yehova—Imani Yenye Matendo, Sehemu ya 1: Kutoka Gizani
Mbivilianĩ, kyeni kĩkonanĩtwʼe na ũwʼo, nakyo kĩvindu kĩkonanĩtwʼe na ũvũngũ. (Sav. 43:3; Isa. 5:20) Satani aetie kĩvindu ĩũlũ wa nthĩ ĩla wamũkengie Eva, na ĩtina alikya andũ onthe kĩvindunĩ kya ngokomi. (Ũvu. 12:9) Vitio Mashahidi wa Yehova—Imani Yenye Matendo, Sehemu ya 1: Kutoka Gizani yĩ na ũvoo ũkwonanyʼa ũndũ kyeni kya kĩveva kyambĩĩe kũkena kĩvindunĩ. (Isa. 60:1, 2) Ĩtina wa kwĩloela vitio ĩsu, no ũsũngĩe makũlyo aa maatĩĩe?
(1) Kĩvindu kya ngokomi kyambĩĩie ata ĩtina wa kĩkwʼũ kya atũmwa? (2) Kwambĩĩa myakanĩ ya 1100, nĩ maũndũ meva matetheeisye andũ kũmanya kana makanisa mayamanyĩasya ũla wʼo? (3) Henry Grew na George Storrs maĩ aaũ? (4) Nĩ maũndũ meva makwatie Charles Russell ala maalyũlile thayũ wake vyũ? (5) Mwana-a-Asa Russell, ĩthe wake, na amwe ma anyanyae meekaa ata ĩla meemanyĩasya Mbivilia me vamwe, na mavikĩĩie motwi meva ala mosanĩte na Maandĩko? (6) Nĩkĩ kĩkundi kĩu kya kwĩmanyĩsya Mbivilia kyoosanie na kĩkundi kya Nelson Barbour, ĩndĩ nĩ kyaũ kyatumie Mwana-a-Asa Russell evathana nake? (7) Nĩ kyaũ kyeekĩkie Ngyulae 1879 kĩla kyatumie ĩvinda yĩ na kyeni kya kĩveva yambĩĩa? (8) Ĩtina wa ũu, Amanyĩwʼa ma Mbivilia ala maendeee kwongeleka meekie ata nĩ kana manyaĩĩkye ũvoo mũseo? (9) Myaka mingĩ mbee wa 1914, nĩ kyaũ Amanyĩwʼa asu ma Mbivilia meteele kĩkĩke mwakanĩ ũsu? (10) Amanyĩwʼa ma Mbivilia makwatiwe nĩ mathĩna meva ĩtina wa Mwana-a-Asa Russell kũkwʼa? (11) Amanyĩwʼa asu ma Mbivilia meekie ata ĩtina wa Mwana-a-Asa Rutherford na anyanyae kũthawʼa kuma kolokolonĩ? (12) Kwĩloela vitio ĩno kwongeleela ata ũmanyi waku na wendo waku nthĩnĩ wa ũseũvyo wa Yeova? (13) Vitio ĩno yeekĩa vinya ata ũtwi waku wa kũendeea kũtavanyʼa na kĩthito o na wakwatwa nĩ mathĩna? (14) Tũtonya kũtũmĩa vitio ĩno ata kũtetheesya andũ ma mũsyĩ, amanyĩwʼa ma Mbivilia, na andũ angĩ?
Amanyĩwʼa asu ma tene ma Mbivilia matũtiĩe ũtiĩwa wa kĩveva wa vata mũno. O na kau matwĩe ĩvinda kwaĩ kĩvindu kya kĩveva, nĩmanyaĩĩkisye kyeni kwa ũkũmbaũ na kĩthito. Nĩtũatĩĩei ngelekanyʼo yoo na ‘tũiendaa ta syana sya kyeni.’—Aev. 5:8.